الورقي
ميرنا نور الدين تكشف كواليس مشاهد ضربها في «فهد البطل»: أحمد العوضي عورني في وشي
كشفت الفنانة ميرنا نور الدين كواليس مسلسل «فهد البطل»، والمشاهد التي ضربها فيها الفنان أحمد العوضي، مؤكدة أن الضرب كان حقيقيًا.
وقالت «ميرنا»، في لقائها ببرنامج «الراديو بيضحك» مع فاطمة مصطفى عبر إذاعة «الراديو 9090»: «في ناس بتفتكر إن أحمد العوضي مبيضربش بجد في المشاهد وأنا قلت له إني هقول للناس إنك ضربت كل واحد فينا، هو بيضرب بجد بس طبعًا عنده تكنيك وعارف بيضرب إزاي بس أنا واحدة من الناس اللي اتعورت غصب عنه لأنه بيبقى لابس خاتم فعورني في وشي وإيده عفية لما بيمسك إيدي بتوجعني حتى أكتر ما بيضربني بالقلم».
وأضافت: «مش أول مرة نشتغل مع بعض أنا وأحمد العوضي بس دي أول مرة يبقى مساحة كبيرة مع بعض هو من أكتر الناس مش بيركز مع نفسه بيركز معانا، عايز أن إحنا كلنا ننجح مش هو بس».
وأكملت: «كنا طول الوقت بنتناقش عن المشاهد مع بعض، لو في لازمة معينة، كمان إحنا أصحاب أنا وهو وكارولين عزمي وعصام السقا وكان ممكن يتريق لو قلت جملة بطريقة معينة يقولي دي مش من شق التعبان.. إعدلي لسانك زي كلمة «بالله» أول أيام التصوير كنت بقولها عادي بطريقة ميرنا مش كناريا هو كان بيساعدني جدًا والكيميا بينا حلوة».
مسلسل «فهد البطل» بطولة: أحمد العوضي، وميرنا نور الدين، وكارولين عزمي، وعصام السقا، وعايدة رياض، وحمزة العيلي، وصفاء الطوخي، وتأليف محمود حمدان، وإخراج محمد عبد السلام.
