أصالة تدعم ابنتها شام الذهبي في محنتها: "بتوسّل ربّي برحمته يحتويكي"

حرصت النجمة السورية أصالة نصري، على تقديم الدعم المعنوي لبنتها شام الذهبي، وذلك بعد قرار إغلاق عيادتها التجميلية بسبب مخالفات إدارية واستخدام مواد تجميلية غير مرخصة في القاهرة الجديدة.

شام الذهبي

وعلقت أصالة، على أزمة أبنتها شام الذهبي، من خلال منشور كتبته، عبر حسابها الشخصي بموقع التواصل الاجتماعي فيسبوك، قائلة: “كتير مرّينا أنا والولاد بإمتحانات صعبه وأيام أصعب وبكلّ مرّه ماكان عندي شكّ بعدل رب العالمين، وكانت حياتي من بداياتي لليوم عبارة عنّ جمله بتقول (الناس الأشرار قلال بس بيوجعوا ولازم دائمًا مهما كترت الجروح والصدمات نقارنهم بالكتار ونتذكرهم لنعرف إنهم مهما كتروا قلال) ونحنا اليوم بامتحان من هالإمتحانات وبيمرّ ورح يمرّ”.

وأضافت: “شام هي النّور اللي مضوّي حياة آلاف البشر أنا منهم … بنتي الملاك رح تبقى ملاك ومارح يوجعها أكتر من وقته الوجع، ودواها نحنا أهلها اللي كان إلنا سعادة تكون شام منّا وفينا، شام حبيبة الحياة وأهلها طاقة العلم والتهذيب والعطاء، عم تمرق منّ شارع ضيّق بهالحياة اللي فيها شوارع مضوايه بأهل أنتوا منهم ياطيبين ياأهلنا وأصحابنا وناسنا.. وهالشارع مهما ضاق رح يخلص ورح تطلع منّه منّ غير ماتشوف وراها أو حتّى تتذكّر شو كان هالمرور صعب ومافي مرور إلًا وبتصادفه عثرات والعثرات بتكبر وبتكتر لمّا هالمرور منّ رحلة هالحياة بيكون مو عادي ونجاح شام مو عادي ومرورها بهالحياة أكيد حيصادفه عثرات وأكيد حيكون فيه صعوبه حتّى بتحقيق السهل”.

واختتمت أصالة رسالتها قائلة: “كلّ القلوب الحلوه ياحلوة الحلوات معك وبتدعمك وقلبي قبل إيدي وروحي ملكك وتحت أمرك وبدعي لك وبتوسّل ربّي برحمته يحتويكي.. وبتصير أشياء بتكون عكس شو توقعنا وبتصدمنا لتقوّينا وترجًعنا أحلى وأقوى وأحنّ وأهدى وشامي الحلوه حلوه وهاديه وإنسانه وكلّ طاقات الفرح والفرج رح تتهيّأ لها والله مع المخلصين”.