أول رد من محمد رمضان على إطلالته في "كوتشيلا": "مقصدش"

رد النجم محمد رمضان، لأول مرة على إطلالته المثيرة للجدل، في حفله بكوتشيلا، الذي ظهر فيه بإطلالة مشابهة لبدلة الرقص، حيث أرتدى حمالة صدر باللون الذهبي وبنطلون.

محمد رمضان 

وشارك محمد رمضان جمهوره ومتابعيه، بمقطع فيديو ظهر فيه حتى يرد على الهجوم الذي تعرض له بسبب إطلالته في الحفل، وذلك عبر حسابه الشخصي بموقع التواصل الاجتماعي فيسبوك، وعلق قائلا: “حق الرد بعدم القصد”.

وقال محمد رمضان في الفيديو: “أنا كنت مأجل الرد لأني كنت مركز في الحفل التاني في كوتشيلا اللي شايل فيها اسمي واسم بلدي وجمهوري اللي في ضهري من أول يوم اللي حافظني وكبرت قدام عينه، جمهوري اللي عارف إن عمر ما محمد رمضان لبس واحدة ست لا فيلم ولا في مسلسل مع كامل الاحترام للفنانين اللي عملو الدور ده، جمهوري اللي حافظني عارف أن محمد رمضان لبس حلق في فيلم وكليب ولكن في الحقيقة عمره ما لبس حلق ولا عمره هيلبس حلق”.

وأضاف: “جمهوري اللي كبرت قدام عينه عارف أن اكيد الاوتفيت في الحفلة الأولى رمضان ميقصدش أنه يطلع بالشكل اللي اترجم بيه على السوشيال ميديا، احنا كان الغرض الظهور بحاجة فرعوني، فريدة المصممة كتر خيرها يمكن مكنش معاها جنيهات كفايا، فالبتاع طلع قصير شوية، لكن أكيد محمد رمضان اللي احنا عارفينه ميقصدش”.