انفراد بالفيديو..«غادة إبراهيم»: إلهام شاهين وبوسي شلبي لفقوا لي «قضية الدعارة»

تنفرد «النبأ»، بنشر تسجيل صوتى خطير، للفنانة غادة إبراهيم اتهمت فيه صراحة وبكل وضوح الفنانة إلهام شاهين، والمذيعة بوسى شلبى، بتلفيق  قضية الدعارة لها. 

ووصفت غادة إبراهيم الفنانة إلهام شاهين في المقطع الصوتي بـ"ملتصقة الإرداف"، كما اتهمت بأنها السبب فى طلاقها من زوجها.

واجرى  عادل توماس رئيس قسم الحوادث بجريدة «النبأ»، الحوار مع غادة إبراهيم،  في بداية التحقيق في قضية إدارتها للشقق الدعارة، ومع تعديها على الجريدة بالسب والقذف في حلقة مع خالد صلاح في برنامجه "على هوى مصر" في قناة النهار، وجدت الجريدة نفسها مضطرة لنشر الحوار في الموقع الإلكتروني، وقناة "النبأ تيوب" على موقع "يوتيوب".

وقالت غادة إبراهيم إنها زوجها السابق كان مرشحاً لشغل منصب وزير الثقافة.

وتنشر "النبأ" هذا المقطع الصوتي، على أن يتم نشر باقي المقاطع الصوتية على التوالي في الموقع.

وإلى نص الحوار:

عادل توماس: هما مين؟
غادة إبراهيم: واحدة شكياها لجوزها الفنان محمود عبد العزيز، وجوزها قالى هجبلك حقك، لأنها متعمدة بقالها فترة تعمل كدا معايا، والتانية فنانة فضلت ورايا لغاية لما طلقتنى من جوزى نائب وزير الثقافة، وربنا يسامحها بس أنا مش هسيب حقى، أنا إسكندرانية عاملة زى الصعايدة.

عادل توماس: الأولانية بوسى شلبى؟
غادة إبراهيم: ربنا يسامحها بقى.. ولا ربنا ياخدها علشان نخلص، لأن هى شريرة أصلا.

عادل توماس: والتانية...غادة عبد الرازق؟
غادة إبراهيم: لالا.. غادة محترمة غادة صحبتى على فكرة.

غادة إبراهيم: الهام شاهين ملتصقة الأرداف.. ملتصقة الأرداف دى فضلت ورايا لما جوزى كان مترشح يبقى وزير ثقافة.. مسك نائب وزير ثقافة وكان مترشح يبقى وزير ثقافة دكتور خالد، وأنا وخداه من 7 سنين وهو دكتور فى معهد السينما مش بياخد غير ألفين جنيه، وفضلت ورآه لغاية لما بقى نائب وزير ثقافة بعلاقات أهلى، وبفلوسنا، وبمعارفنا، وكان وقتها الحزب الوطنى دخلته لجنة السياسات، وكان المحامى بتاعى ماجد الشربينى أمين لجنة العضوية، وعملت كل الشغل إللى هو عايزه، حتى فى كتب كتابنا جبت سيد طنطاوى شيخ الأزهر يكتب لنا كتابنا، ولما خلاص هيبقى وزير .. الحمدلله ربنا ما يقطعلها عادة.. قالت دى هتبقى مرات الوزير يلا نفركش.. وبص هما بقالهم شوية كدا من يوم طلاقى، ولغاية ما أنت بتتصل بيا مش سايبنى فى حالى.

عادل توماس: والله أنا مليش علاقة بأى حد منهم.
غادة إبراهيم: أنا قلت لك.. ولو سألت نص الوسط الفنى، هيقولوك أه هما بقالهم فترة بيضايقوا غادة فى كل مهرجان .. أنت عارف أن الهام شاهين منبها على كل الشركات اللى بتتعامل معاها لو اتعاملوا مع غادة إبراهيم مش هتشتغل معاهم، قايلة لكاملة أبو ذكرى، وقايلة لآمال الصيفى، وقايلة لجمال العدل.

عادل توماس: أيوة.. أيه السبب فى العداوة دى؟
غادة إبراهيم: أقسم بالله بسبب جوزى.. لأنه لما بقى رئيس المركز القومى للسينما، بقينا بنسافر مهرجانات مع بعض بره فى دمشق، ودبى، وأبو ظبى، ومراكش، هى تمشى وهى نجمة دا التاريخ.. هى نجمة شئنا أم أبينا هى نجمة وليها تاريخ، وأنا بالنسبة ليها نجوميتى قول "تمنها" حلو.. أدخل "الريد كاربت" ومعايا جوزى معزومة أنا وجوزى، هو بصفته وأنا بشخصى، هو بصفته رئيس المركز القومى للسينما، وأنا بشخصى الفنانة غادة إبراهيم.. أمشى على " الريد كاربت"، ومصورين هناك بره فى أى مكان أجانب، تصوير وبنزل على أغلفة المجلات وأغلفة النشرة الداخلية للمهرجان، والندوات كلها بحضرها، وأقوم من بدرى، وأفلام، وهى طول الليل طبعا سهرانة، وطول النهار نايمة مش لاقية "أيفنت" تحضره ولا لقيه ندوات ولا مهرجانات ولا حاجة، تمشى على "الريد كاربت" بإلتصاق الفخذين إللى عندها، و"اللوغد المدلدل"، والأسود إللى مرتشحة بيه محدش بيصورها، لأن المصورين أجانب، والصورة بتفرض نفسها، وأنا بعمل شو، وأنا أيام ما كنت متجوزة كان كل لبسى حشمة، علشان جوزى فى الوزارة، ومكنش ينفع ألبس حاجة مفتوحة ولا حاجة أوفر.