جمهور عمرو دياب يوجه رسالة قوية لـ"مديرة أعماله"

وجه جمهور النجم عمرو دياب رسالة شديدة اللهجة لمديرة أعماله هدى الناظر، بعد المشاكل التي واجهتهم خلال حفله الأخير في "كايرو فيستيفال" سيتي مول، وعانى الكثير من عدم الحرية في مشاركة فيديوهات الحفل أو تداولها عبر مواقع التواصل الاجتماعي، مما جعلهم يشعرون بالغضب الشديد.

ونشرت الصفحة الرسمية لـ"كريزي عمرو دياب"، أحد أكبر صفحات محبي "الهضبة" عبر موقع التواصل الاجتماعي "فيسبوك"، رسالة لهدى الناظر، جاء فيها: "رسالة للأستاذة هدى الناظر البطل الخفى ف مشوار عمرو دياب ومديرة أعماله .. احنا مقدرين ومعترفين بدورك فى آخر 8 سنين ف مشوار عمرو دياب شايفين تطوير وإدارة قوية شايفين حاجات جديدة وإبهارات وتنظيم شايفين إدارة على النسق الأوروبى تليق بفنان بحجم عمرو دياب محدش هيقدر ينكر دورك وبصمتك".

وتابعت: "بس لازم برضو تفهمى إن مفيش فنان كبير من غير جمهور الجمهور ممكن يعمل فنان زى ناس كتير صنعهم جماهير وهما معندهمش موهبة وموجودين ع الساحة.. ف الجمهور هو أهم وأغلى مايملكه المطرب سياسه ناى مؤخرا كانت على حساب الجمهور كتير ودورنا إننا نوضح الصورة ونبقى حلقة وصل لما شخص يحضر حفلة ويصور فيديو ويحب يشاركه مع أصحابه من فرحته وفخره أنه حضر حفلة لعمرو زى ما أنتى بتعملى بالضبط على بروفايلك وكل التيم ورك وفجأه يلاقى الفيديو اتمسح لانتهاك حقوق ناى دى حاجه تضايق".

"هو مش بيسرب حقوق ملكية هو زيك بالضبط بيشارك فرحته لو ده نظام متبع عالميا دلوقتى ده ميلقش بينا ولا بعمرو عمرو مشواره ٣٥ سنة غناء وعمر ده ما أثر عليه.. أسلوبك دلوقتى ف حقوق الملكية خنق ناس كتير السياسة لازم تتغير الجمهور ده هو ل عمرو تعب عشانه وهو ل بيدافع عن عمرو دياب وهو هيفضل فاكر عمرو الفنانين بتروح وإداراتهم وبيفضل الجمهور".

وأوضحت: "لازم تحترموا الجمهور وتعدلوا السياسة خلو الناس تفرح وتشارك فرحتها وتفرج الناس ل مقدرتش تحضر الأستاذ ... موضوع قفل الصفحات لانتهاك حقوق الملكية زاد عن حده الصفحات دى هى الدرع لعمرو هى أساس السوشيال ميديا ف صفحات جماهير بتوصل 10 ملايين بسبب سياستك عمرو مبقاش له صفحة جماهير كبيرة بدل قفل الصفحات حضرتك ممكن تعملى شخص مسئول ينسق الدور ولما حاجه حابه تتمسح هيمسحوها لوحدهم بمجرد طلب لازم الاحترام يكون متبادل عمرو كبير بجمهوره".

واختتمت: "وزى مانجحتى على المستوى الإدارى متأكد إنك ذكيه وقادرة تنجحى مع الجمهور إلكترونيا وف الأول والآخر كله لعمرو ... الرسالة دى من حبنا واحترامنا وتقدير لدورك وتعبك ودورنا نكون حلقه وصل".

وتفاعل عدد كبير من عشاق "الهضبة" مع هذا البوست، ووافقوا على ما طالبت به صفحة "كريزي عمرو دياب"، وكتب أحد المتابعين: "ياريت تتعاون علشان احنا بنحب الهضبة وأكيد دي حاجة كويسه ليه".

فيما علق آخر قائلًا: "البوست في وقته محتاجة قرصة ودن في حاجات كتير ودي أولها غير إن موضوع التنظيم السيء كمان مشكلة كبيرة وبتأثر على الجمهور ومن أساسيات الإدارة الناجحة معالجة الأخطاء مش تجاهلها".