بالصور.. «مهزلة» على رحلة جوية تابعة لـ«شركة النيل للطيران»

تعرض أحد ركاب شركة النيل للطيران يدعى محمد حمدي، لعدم الشعور بالأمن والراحة على متن الطائرة المتجهة من الكويت للإسكندرية، وقال في منشور له على إحدى جروبات موقع التواصل الاجتماعي «فيس بوك»: «واحدة من أسوأ رحلاتي الجوية، ركبت طيران كتير وقليل وعلي خطوط طيران مختلفة منهم الفارهة ومنهم الاقتصادية لكن طيران النيل كانت الأسوأ عن جدارة رحلة الكويت الإسكندرية يوم السبت 24/2/2018».

وتابع: «الإقلاع كان صعب جدا، الطيارة فيها كمية رجرجة واهتزاز فظيع، طاولة الطعام مكسورة ونازلة على طول وده ضد تعليمات الأمن والسلامة».

وقال أيضًا: «أن أول مضيف كلمته قالي وأنا أعملك إيه، المضيفة قالتلي هشوفلك حل وسابتني ومشيت مرجعتش تاني لحد ما المضيف اخترع الاختراع الفظيع اللي في الصور ده.. غلق الطاولة المقعد بورقة.. وللأسف الشديد الاختراع باظ والطاولة وقعت وأنا بشرب النسكافيه وأدلق عليا المضيف يقولي معلش بقي حظك كده».

واستكمل: «لو سمحتوا محدش يقولي شجع المحلي والكلام ده دي حاجه من أسوأ ما يكون».

وختم قائلا: «الناس اللي بتتكلم عن أنه اقتصادي، أولا أنا عارف إنه اقتصادي وعارف إنه رخيص وموافق إن الوزن يكون 30 كجم بس وموافق أن مفيش وجبة أو وجبة خفيفة أي حاجة من شروط التذكرة أنا موافق عليها لكن ده خارج شروط التذكرة، شروطها الراحة والسلامة».

وتقدم الراكب بشكوى لشركة النيل عبر البريد الإلكتروني عن ما تعرض له على متن الطائرة وحتى الآن لم ترد الشركة على العميل بشكل يرضيه.