الورقي
«كارثة» تثير غضب سكان وحدات «دار مصر»
سادت حالة من الغضب بين سكان مشروع الإسكان المتوسط «دار مصر» التابع لوزارة الإسكان والمجتمعات العمرانية، بعد انفطاع المياه عن وحدات المشروع بـ«الأندلس»، لمدة 5 أيام بدون إنذار سابق.
وقال سكان مشروع «دار مصر»، أنه تم التواصل مع المسئولين وسيتم البدء في حل المشكلة خلال يومين، على أن تعود المياه إلى الوحدات غدًا السبت، موضحًا أن ذلك وقت كبير لحل الأزمة.
وفي هذا السياق، قالت ليلي الوكيل، أحد سكان مشروع «دار مصر»، منشور لها على موقع التواصل الاجتماعي «فيسبوك»: «أنا أسفة يا جماعة أنى هقول الكلام ده بس ده من واقع تجربتى 5 أيام سكن فى الأندلس منطقة 29 عمارة من غير ماية محدش يجى يسكن هنا بجد أنا اتعذبت أنا وجوزى وبنتى 3 سنين وابنى 9 شهور من عدم وجود مياه 5 أيام».
وأضافت: «فاللي حابب الوضع ده يجى والشايف إننا مقصرين معاهم فى حاجة يقولى عشان ابسط الحقوق فى المعيشة ماية مش موجود أنا هاخد ولادى وهمشي من المكان ده وحبيت أقولكوا تجربتى طبعا الحجج لتفسير عدم وجود الميا هتلاقي كيتي وكل شوية وأسفة لتانى مرة ليكوا ودى أمانة وصلتهالكوا محدش بيشوف شغله صح وحسب يا الله ونعم الوكيل فى كل من قصر فى شغله عشان أعانى أنا وولادى كده».
ولقى المنشور، ردود أفعال واسعة بين سكان «دار مصر»، حيث قال البعض: «بجد شىء فوق الوصف الكلى اللي بيحصل ده أمال عاوزين الناس تعمر المدن الجديدة أزاي والوضع بالشكل ده لنا الله وحسبنا ونعم الوكيل في كل مسئول لم يؤدى ما عليه وحضرتك لازم تاخد اجراء فورا وتعالى محضر شرطة بالواقعة ضد الجهاز قبل ما تمشى».
بينما قال آخرين: «يا جماعة الناس روت قصة من الواقع عاشوها بنفسيهم ودا وضع ميرضيش ربنا والموضوع اعتقد بقى محصور فى المياه فقط لأن الأمن موجود لذالك لازم تجمع من كل الحاجزين عند الجهاز لحل الموضوع الاسرة دى بتحارب لوحدها حرام هما اللى يواجهو لوحديهم خصوصا أن دى مصلحة مشتركة لينا جميعا».
