الورقي
رغم خطورتها.. رامز أمير يكشف سبب إخفاء إصابته
كشف الفنان رامز أمير، عبر حسابه
الشخصي على موق "إنستجرام" عن خضوعه لجراحة بعد إصابتة أثناء ممارسته رياضة
"باركور".
ونشر "أمير" صورة له من
داخل إحدى المستشفيات وعلق عليها قائلاً: "بويكا الغلابة اتنفخ يا رجالة.. هتكلم
معاكوا بجد شوية، فكرت كتير قبل مقولكم عشان مكنتش عاوز أزعل اى حد بيحبنى، بس حسيت
إن ممكن تجربتى دى تبقى مفيدة، تبقى دافع لشخص محبط إنه ميستسلمش لما يقع والدنيا تكسره".
وأضاف: "دى إصابة خطيرة حبيتين
من تمرين الباركور كنت مخبيها عليكم وللأسف دى مش العملية الأولى بس إن شاء الله الأخيرة،
بوقفة ربنا جنبى هوريكم إزاى ممكن تقع وتقوم تانى وتبقى أقوى من الأول، هكمل الطريق
اللى وعدت نفسى بيه وهعملكم أكشن متعملش عندنا فى السينما قبل كدة، ربنا يقدرنى بس
واعرف أشرفكم وعشان خاطرى محدش يزعل ويقولى خاف على نفسك، أنا عارف خطورة اللى أنا
بعمله من أول يوم وراضى الحمد لله عشان أنا بعمل الحاجة اللى بحبها، دعواتكم بقه عشان
لسه شايلكم أكشن كتير فى الصندوق".
وشارك الفنان الشاب رامز أمير،
حديثاً في مسلسل "الاختيار" الذي عُرض الموسم الرمضاني الماضي، وحقق
نجاحاً كبيراً، وكان من بطولة: أمير كرارة وأحمد العوضى ودينا فؤاد وسارة عادل وضياء
عبد الخالق، وعدد كبير من الفنانين ضيوف الشرف وهم: إياد نصار، وكريم محمود عبد العزيز،
ومحمد إمام، آسر ياسين، ومحمد رجب، وماجد المصرى،
وصلاح عبد الله، وكريم عبد الخالق، ومحمد عز، ومها نصار وآخرين وهو تأليف باهر دويدار،
وإخراج بيتر ميمى، وإنتاج شركة سينرجى.
وتناول العمل حياة أحمد صابر المنسى
- قائد الكتيبة 103 صاعقة – الذي استشهد فى كمين "مربع البرث"، بمدينة
رفح المصرية عام 2017، أثناء التصدى لهجوم إرهابى فى سيناء.
