الورقي
لأول مرة.. حفيدة الراحلة رجاء الجداوي توجه رسالة مؤثرة بصور نادرة
بعد أيام من وفاة جدتها الفنانة
رجاء الجداوي، وجهت روضة هندي، عبر حسابها الشخصي على موقع التواصل الاجتماعي
"فيسبوك" رسالة مؤثرة لجدتها.
ونشرت "روضة" صور نادرة
تجمعها بجدتها الراحلة، وكتبت عليها: " هيوحشني إني ادخل اوضتك فجأة و أقولك "امتحان مفاجئ
هاتي السكريبت " و اسمعلك و نقعد نضحك لحد لما ندمع هيوحشني إني ادخل عليكي و
اقولك "ملكيش نفس تتغلبي في دورين كوتشينة يا جوجا" و كالعادة طبعا بتقعيني".
وأضافت " هيوحشني أني أكون نايمة
و الاقي مامي داخلة عليا تقولي الحقي انا نزلت Story او تلعط live او اي كارثة من الكوارث
التانية بتعتك نجري أنا و مامي على اوضتك و تقوليلنا جملتك الشهيرة مالو التيليفون
أبو قرص".
واختتمت " هيوحشني أني اقعد أتفرج
عليكي و اتعلم منك هيوحشني تريقتك مع صحابي هيوحشني خفة دمك و كرمك و اخلاقك و تسامحك
هيوحشني انك تفهميني و تناقشيني و تساعديني و تديني رأيك كان عندي ٤٣ يوم استعد فيهم
بس امبارح لقيت نفسي بفتح باب اوضتك بقولك يا أنا ووقفت سكت كتير و قلت الله يرحمك
يا حبيبتي شكرا على كل حاجة".
سادت حالة كبيرة من الحزن على الوسط
الفني بعد وفاة النجمة رجاء الجداوي، الذي وافتها المنيه 5 يوليو 2020، بعد صراع مع
"فيروس كورونا" المستجد "كوفيد 19" عن عمر يناهز 86 عاماً.
