السيسي معلقًا على إنشاء الجامعات الأهلية: الطلبة بيروحوا يدفعوا برة مصر 35 ألف دولار سنويًا

طمأن الرئيس عبدالفتاح السيسي، أهالي الطلبة الذين التحقوا بالكليات الأهلية، مستطردًا: "جبنا كل العلوم الجديدة علشان يبقوا جاهزين لسوق العمل، بندرس حاجات كتير ملهاش سوق فى مصر، طيب ناخد الجديد ومتقلقوش منهم وستجدوا هذا الكلام مفيد جدا".

وقال "السيسي" خلال افتتاح عدد من المشروعات التنموية بمدينة الإسكندرية: "إن حجم الطلبة المصريين اللى بيخرجوا بره مصر علشان يدرسوا، فيه حجم معتبر من الأسر بتوفد أبنائها للخارج فيه جامعات معتبرة ومتقدمة جدًا ونسجلها تقدير الجهد والدور والشهادة اللي تعطيها لأبنائها، وفيه جامعات تاني لا".

وبشأن المصروفات الدراسية لتلك الجامعات علق السيسي: "من غير ما أذكر جامعات، فيه تكلفتها 35 ألف دولار سنويًا وفيه حاجات أقل، وفي الآخر بيخرج ومش ده المستهدف، الفكرة فكرة تعليمية إنه بدل ما يسافر ياخدها هنا".

ووجه الرئيس السيسي المسؤولين إلى ضرورة ربط التعليم بسوق العمل، مختتما: دوروا على ربط التعليم بسوق العمل وجامعتنا بتخرج مئات الآلاف ويمكن مش كلهم مربوطين بسوق العمل".

وفي السياق ذاته وزير التعليم العالي، كشف الدكتور خالد عبدالغفار، أن عدد الطلبة المصريين الذين يدرسون بالخارج وصل إلى 20 ألف طالب، ينفقون 20 مليار جنيه سنويًا بخلاف العملة الصعبة وهجرة العقول.