هاجمت هند ابنة الفنان الراحل سعيد صالح، عبر حسابها الشخصي على موقع التواصل الاجتماعي "فيسبوك" الفنان محمد رمضان، بعد أزمته الأخيرة واتهامه بالتطبيع الإسرائيلي.

بالفيديو.. محمد رمضان يرد على حملات المقاطعة: كنت سامع كلامهم ومنفض مشغول مش فاضي

وقالت "هند": "أنا بصراحة من أول امبارح بحاول أمسك نفسي، خصوصا إني بقالي شهور ما بدخلش في أي تريندات ومهاترات فيسبوك بس ما توصلش لدول أبدا".

وأضافت: "كويس إن بابا مات طبيعي وإلا كان مات مقهور على نفسه إنه اكتشفك، لأنه كان طالع بيك السما وفرحان أن مصر فيها مواهب حلوة وهو اللي بيقدمها بنفسه إيه العك ده؟".

الدنيا مقلوبة على «الأسطورة».. أول رد من محمد رمضان بعد عاصفة صورته مع المطرب الإسرائيلي

وتابعت: "ده الواحد لما كان بيلمح سائح منهم في دهب ولا شرم الشيخ ويميزه من الطاسة اللي على دماغه دي كان جسمه كله بيتنفض، هاڤا ناجيلا إيه اللي بتترقص عليها؟ جاك ٦٠ هاڤا ناجيلا على دماغك يا بعيد".

وأثار رمضان عاصفة من الجدل والهجوم وتصدر الترند خلال الساعات الأخيرة بسبب نشر الكاتب الإماراتي حمد المزروعي صورة له وهو يعانق مطرب إسرائيلي خلال تواجده في دبي.