هنادي مهنا تكشف تفاصيل صادمة عن مكالمة الـ 4 ساعات مع أحمد خالد صالح قبل الزواج

كشفت الفنانة هنادى مهنا، تفاصيل بداية تعارفها بزوجها الفنان أحمد خالد صالح وعن العديد من الأمور المتعلقة بحياتهما الشخصية والفنية.

وقالت "هنادي" خلال لقاءها في برنامج صاحبة السعادة، للنجمة إسعاد يونس المذاع عبر قناة dmc: "كنا بنتكلم في الشغل، ومكنش لسه فيه علاقة بينا، ومكناش صحاب أوي، كنا بنروح المكان نسلم على بعض، ومكناش بنتكلم في التليفون، دي المرة الوحيدة اللي معرفش إيه اللي حصل فيها، مضيفة: "فيه مكالمة منهم قعدت 4 ساعات مش عارفة ليه.. كنت قاعدة في مكان بصور مسلسل، وهو كان في مكان بيصور فيلم، وكنا قاعدين بنتكلم والمكالمة تفصل ونتكلم تاني".

وأضافت: "لما اعترفلي بحبه كنت في خروجة ولاقيته بعتلي على الواتس آب وأنا كنت أول مرة أنتبه للموبايل ممكن يرن 9 سنين ومردش، في وقتها بقي كنا بنتكلم قالي I love you، وانا رديت عليه قولتله I love you more، بعد ما اتقالت موقفناش عندها، وكملنا كلامنا عادي في حاجات تانية".

وتابعت: "أول مرة حسيت بحاجة من ناحية أحمد، لما عيني حصل فيها التهاب كلمته قالي حطي عسل أبيض، سمعت كلامه وعلى كمية الوجع اللى حسيت به، وعينى ورمت وكان عامل نفسه دكتور، وقتها حسيت إني بكرهه وقولت أنا لازم أعلمه بلوك، وبعدها قعد يبعتلي رسائل ويطمئن عليا وكنت مبسوطة جدا".

ومن جانبه، قال الفنان أحمد خالد صالح إن بداية تعارفهما كانوا أصدقاء ويعرفون بعض قبل التمثيل قائلاً: "كنا بنتقابل في عيد ميلاد مثلا، أو عزومة في رمضان.. وكان فيه مسئولية جمعتنا وهي إننا مش شايلين أسامينا لوحدنا، كان علينا مسئولية أهلنا اللي إحنا شايلين أسمائهم أيضاً واللي تعبوا كتير في اللي وصلوله، دا كانت أرض مشتركة بيننا، بعد كدة الموضوع اتطور وبقى فيه بينا تليفونات وإحنا في الشغل، وكنا بنقعد نتكلم كتير".

وشاركت الفنانة هنادي مهنا، حديثاً في مسلسل "خيط حرير" وهو من بطولة: مي عز الدين، محمود عبد المغنى، نيقولا معوض، صفاء الطوخى، سوسن بدر، مى سليم، ولاء الشريف، وتأليف محمد سليمان عبد المالك، وإخراج إبراهيم فخر.

أما الفنان أحمد خالد صالح، فشارك في مسلسل "أنصاف مجانين" بالتعاون مع: أسماء جلال، وديانا هشام، محسن صبرى، وعدد من النجوم الشباب، وهو من تأليف مريم نعوم، وإخراج عمر رشدى، حيث تدور أحداث العمل فى 24 حلقة للعرض على احدى المنصات الرقمية على الإنترنت.