الورقي
عمر كمال في أزمة.. نقابة الموسيقيين تقف بينه و"بين السما والأرض"
أعلن المخرج محمد جمال العدل
"ماندو" مشاركه المطرب عمر كمال في مسلسله الرمضاني الجديد الذي يحمل
اسم "بين السما والأرض" كممثل لأول مرة.
وأثار هذا الإعلان ضجة كبيرة عبر
مواقع التواصل الاجتماعي، ونقابة المهن الموسيقية، حيث تواصل الدكتور أشرف زكي نقيب
المهن التمثيلية، مع "ماندو" ليتحدث معه بشأن تمثيل عمر كمال معه في مسلسل
"بين السما والأرض" لافتاً إلى أن عمر كمال غير نقابي.
وقال ماندو العدل: " تواصل معايا
د. أشرف زكي وبيقولي أن عمر كمال عنده مشكلة إنه مش نقابي وانا كنت فاهم انه مقيد في
نقابة الموسيقيين، هشوف ممكن اعمل ايه لكن الغريب هو كم الزعل من الخبر أن عمر كمال
يمثل، على فكرة احمد عدوية وحسن الاسمر وحكيم مثلوا، وشعبان عبدالرحيم الله يرحمه مثل
مع أستاذ داوود عبدالسيد ومكانش فيه مشكلة يعني".
وأضاف: "أما الناس اللي بتقوللي
أن أنا منفذتش وعدي وقابلت الناس في ال casting، إحنا جالنا اكتر من ٧ آلاف شخص عايز يمثل سامع الرقم
٧ ألاف، وأنا مش مسؤول أن فيه ناس اتصلت ومكتب الـ casting مردش عليهم، ده غير
إن معايا اكتر من خمس ممثلين خريجين معهد فنون مسرحية ووجوه جديدة مش خريجين المعهد
وبيمثلوا لأول مرة، أنا طول عمري قد كلمتي واللي يعرفني يعرف كدة كويس، ومش مطلوب مني
أقدم كشف باللي اختارتهم من الـ casting عشان سيادتك متتهمنيش أني بعمل show".
