كيف تعاملت عصابة "100 وش" مع شريف دسوقي بعد بتر قدمه؟

علق الفنان مصطفى درويش، عبر حسابه الشخصي على موقع التواصل الاجتماعي "فيسبوك"، على الأزمة الصحية التي تعرض لها الفنان شريف دسوقي مؤخراً بعد بتر قدمه.

وكتب درويش: "لا حول ولا قوه الا بالله.. اللي حصل  لشريف دسوقي ده حرام حسبي الله ونعم الوكيل في اللي كان السبب.. لو كان حد وقف  من النقابه اتحرك قبل ما يتعمل فيه الكارثه دي كان  اتلحق بس للاسف النقابه قالت لبدريه طلبه لما استنجدت بيهم اصله مش عضو  عامل فا مش هينفع النقابه نفسها تساعد لان ده قانون بس هنبعت  مساعده شخصيه طبعا كتر خيركم وده قانون وعلي راسنا".

وأضاف " طاب كنتم روحو هاتوه وقولو لينا ما كل المنتجين والممثلين معاهم فلوس يا جدعان وكله  هنساعده   ومحدش هيتاخر حتي كنا شوفنا حل قبل ما تحصل فيه الكارثه دي ويقطعو رجله ويترمي في مستشفي اقل ما يقال عنها تحت السلم".

وتابع مصطفى درويش: "بجد اللي حصل ده حرام.. حقك عليا يا شريف سامحني والله ما كنت اعرف انك في الحاله دي حقك عليا والله وقدام الجميع اهو والله  ما هسيبك لحد ما اموت انت مسئول مني مسئوليه كامله .. حقك عليا   وحقك علينا كلنا.. الاستاذ جمال العدل اتكفل بمصاريف المستشفي والعلاج .. وأفراد والعصابه كلها متكفله بكل حاجه ".

واختتم" والاستاذه كامله جابتله طرف صناعي من احسن شركه للاطراف الصناعيه.. شكر لبدريه طلبه انتي بميت راجل انتي وناس اسكندريه.. تعديل دكتور اشرف ذكى تواصل معايا وفهمني الموقف وانا متفق معاه جدا والنقابه متكفله بمصاريف المستشفي".

وخضع الفنان شريف دسوقي، خلال الساعات الماضية، لعمليه جراحية وبتر قدمه، بعد تدهور حالتها.

يذكر أن شريف دسوقي، تعرض لإصابة في قدمه، أثناء تصوير أحد مشاهد فيلم "وقفة رجالة"، في الغردقة، إذ كان المشهد عبارة عن إجراء "مساج ماء البحر" عن طريق الخراطيم، إلا أنه فقد وعيه، وسقط على الأرض، بسبب بخار المساج، ثم اكتشف فيما بعد وجود "خراج" في قدمه، يحتاج إلى التدخل الجراحي، لكنه أهمل الأمر، حتى أخبره الأطباء بضرورة بترها، حفاظًا على صحته.

وشارك الفنان مصطفى درويش في مسلسل بـ" 100 وش"، وهو من بطولة نيللى كريم، وآسر ياسين، وعلا رشدى، وإسلام إبراهيم، وشريف دسوقى، ودنيا ماهر، ولؤى عمران، وحسن أبو الروس، وزينب غريب، ومحمد عبدالعظيم، و إنتاج جمال العدل، وتأليف عمرو الدالى وأحمد وائل، ومن إخراج كاملة أبو ذكرى.