بالفيديو.. شيرين ترد للمرة الأولى على تسريب "حماها" الصادم

ردت النجمة شيرين عبد الوهاب، عبر حسابها الرسمي على موقع التدوينات القصيرة "تويتر" على الجدل المثار عبر مواقع التواصل الاجتماعي بعد تداول تسريب صوتي لوالد زوجها الفنان حسام حبيب، وذلك من خلال مقطع صوتي لها، كشفت أنه سوف يكون على جزئين.

وقالت النجمة شيرين عبد الوهاب: "عايزة اطمن كل الناس اللي بتحبني وكل الناس الكويسين اني انا بخير ومفيش أي نوع من أنواع الخطر عليا أو على حياتي، بالنسبة للي محتاجة ارد عليه ومش هينفع في كلمتين بس، فاسمحو ليا اقولكم  أن حسام جوزي اللي أنا معشراه من أنضف رجال الدنيا ومحترم ومتربي وبيحبني أكتر من نفسه وميستهلش منكم كم القسوة ده بس أنا مدياكوا العذر عشان متعرفوش".

وأضافت: "بس عايزة اقولكم أن الراجل ده ربنا حطوا في طريقي في الوقت ده اللي كانت نفسيتي فيه متكسرة ومدمرة هو بنالي شخصيتي وخلاني وبقيت بقدر أتكلم ورجعلي الثقة في نفسي تاني.. حسام ربنا اللي بعتهولي وربنا مبيعملش حاجة وحشة.. وبيحبنا أنا وبناتي أكتر من نفسه والدليل أنه من ساعة ما اتجوزنا معملش حاجة لنفسه ولا استفاد شيء، وهو عايش عشان يخاف عليا وعلى بناتي من كل شيئ".

وتابعت شيرين عبد الوهاب: "بالنسبة لحاجات كتيرة مش مفروض أرد عليها، بس عايزة اقول أن الست حماتي اللي ربت راجل اخلاقه عامله كدى تبقى هي ست عظيمة وبتمنى منكم تتدعوا لنا بالذرية الصالحة، وحسام إنسان نقي ونضيف لاوربنا هو الي بعتهولي".

ردي لجمهوري الحبيب و وسائل الاعلام المحترمة. (الجزء الاول) pic.twitter.com/DcfmFWB7H8

— Sherine Abdel-Wahab (@sherine) June 28, 2021