الورقي
كواليس جديدة في واقعة التحرش بالفنانة كارولين عزمي
كشفت تحريات مباحث القاهرة، فى واقعة القبض على المتهم بالتحرش بالفنانة كارولين عزمى، أن الواقعة حدثت بأحد شوارع منطقة النزهة.
وأضافت التحريات أن المتهم سائق بشركة توصيل شهيرة، وقام بارتكاب حركة خادشة للحياة بيده، وتم ضبطه.
ونشرت الفنانة كارولين عزمي فيديو عبر حسابها الشخصي بموقع التواصل الاجتماعي «إنستجرام»، توثق خلاله تعرضها للتحرش أثناء قيادة السيارة.
وعلقت كارولين على الفيديو قائلة: «أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني على سوشيال ميديا، باختصار النهاردة كنت في عربيتي وجنبي عربية فيها واحد كسر عليا، كل اللي عملته إني بصتله وبصيت قدامي، فلقيته بيكرر نفس الحركة تانى باستظراف، فروحت طلعت الموبايل وعملت نفسي باصور عشان اخوفه، واخليه يبطل يضايقنى، فاتفاجئت بيه بيقولى بتصورينى يا بنت "لفظ خارج"، ساعتها اتخضيت، وبدأت اصور بجد، وانتوا هتشوفوا في الفيديو الحركات اللي بإيده والشتاين، وبدأ يقولى تعالى ورايا، والحقيقة انى مش عارفة أروح وراه فين، أو كان عايز يعمل إيه ولأنى اتوترت وخوفت ساعتها مقدرتش أصور 1% من اللى عمله الشخص دا».
وتابعت في تعليقها على الفيديو: «أنا اتشمت واتهنت واتشمت بأهلي بأقذر الشتايم النهاردة من حد معرفوش، ولا عملتله حاجة، ولا فتحت بوقى، لمجرد إنه شخص مريض، أكيد الشخص دا أذى بنات كتير، لأنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح.. أنا عايزة حقى يرجعلى».
