محتاج حضنك.. رسالة مؤثرة من خالد عليش لابنته

نشر الفنان والمذيع خالد عليش، عبر حسابه الشخصي على موقع "إنستجرام" صورة لابنته  ووجه لها رسالة مؤثرة عبر فيها عن اشتياقه لها.

وكتب خالد عليش: "ربنا عالم أنا قد إيه محتاج حضنك في أوقات كتير، ربنا يهدي الأمور ويجمعنا على خير".

أزمة خالد عليش مع طليقته ميما الشامي

يذكر أن أزمة الفنان خالد عليش وطليقته ميما الشامي عادت للظهور مرة أخرى بعد أن هاجم عليش "طليقته" قائلًا: "في موقف حصل في أخر 2015 عمري ما انساه كنت راكن عربيتي في مكان وكنت داخل مستشفى بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من قدام وحك العربية من معظم الأماكن".

وأضاف خالد عليش: "كنت راجع البيت مش طايق نفسي حرفيا بس أول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا فضحكتلها أنا كمان ونسيت كل اللي مضايقني".

وتابع: "أكتر حاجة مفتقدها هيما الابتسامة البريئة دي وحضنها الدافي بصوابعها الصغنونة قبل النوم، ربنا يجمعني بيكي على خير دايما ويوفقني في أي قرار يخصك".

ومن جانبها، ردت ميما الشامي طليقة خالد عليش عبر حسابها الشخصي على موقع "إنستجرام" قائلة: "للأسف أنا بقالي فترة بيتم استغلال اسمي واسم بنتي في حروب وتريندات مالناش دعوة بيها وكنت ماسكة نفسي عن عدم الرد مهما حصل.. وأنا هرد على نقطة إنه بيصدر للإعلام إن البنت ممنوعة منه وهو هيموت ويشوفها، ومش هتكلم عن أي حاجة تانية، وده عشان عمري ما هبدأ بالكلام عن أي حاجة غير لو اضطريت زي دلوقتي".

وأضافت: "للأسف وبشهادة كل الناس اللي حواليا، الأب اللي عمال يتكلم عن محكمة الأسرة وحق الأب في رؤية بنته وكذا نقطة ومعايا الورق الرسمي لكل كلمة".

واختتمت ميما الشامي: "اتركوني أعيش في سلام وهدوء أنا وبنتي وأمي ومش عايزة أي حاجة لأن أنا لست بالذكاء الكافي للتحدث في السوشيال ميديا، ومبعرفش ألعب ألاعيبها خالص وممكن أكون بعك".