الورقي
القصة الكاملة لأزمة شيرين وبهاء الدين محمد بسبب أغنية «متجرحنيش»
أثارت الفنانة شيرين عبد الوهاب، خلال الساعات الماضية، حالة كبيرة من الجدل على مواقع التواصل الاجتماعي، عقب إعلانها عن ندمها على تقديم أغنية «متجرحنيش»، التي كتبها الشاعر بهاء الدين محمد.
وجاء ذلك ضمن إجاباتها على أسئلة جمهورها، عبر خاصية «الإستوري» على موقع الصور الشهير «انستجرام».
من جانبه، أبدى الشاعر بهاء الدين محمد عن استيائه من تصريحات شيرين، وكتب، عبر حسابه على موقع التواصل الاجتماعي «فيس بوك»: «مش متعود أرد على أي حد ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجى عند بعض الأسماء ويحاسب ويخلي باله وخاصة لما حد في كل كارثة يدافع عنها.. وح أتكلم باختصار جدًا».
وأوضح: «المشهد الأول: أول يوم دخلت شيرين عبد الوهاب مكتبي كانت مع الأستاذ نصر محروس اللي هو صاحب الفضل في تقديمها.. وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء».
وأضاف: «المشهد الثاني.. رشحتها تغني كتير بنعشق ولولا موافقة نصر احترامًا للعشرة اللي بينا ماكانتش ح تغنيها لأنها كانت موقوفة من النقابة».
وتابع: «المشهد الثالث: لما فوجئت بمدير أعمالها الرجل اللي أنا بأحبه وباحترمه لقيته بيكلمني نيابة عنها ويقولي سمعني الجديد وده طبعا خطأ لأن اللي بيغني مهما كان اسمه مش المفروض يغلط غلطة زي دي !!! لأن المشهد ده مش لايق على المشهد الأول».
وأشار: «المشهد الرابع والأخير: أغنية ماتجرحنيش أنا لحد الأن مش عاجبني غُنا شيرين مع احترامي الكامل لصوتها وأكيد لولا الأستاذ نصر ماكانش ح يتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.. وكمان لأول مرة ألاقي حد بيحارب نَفسه وبيغلط ف مبدعين اشتركوا في صناعته.. وعشان أكتب الكلام ده يبقى شيرين غلطانة كالعادة بس كان لازم أقولها ماتعمليش كده تاني وأنتي بتكبري بس مش ح تعدي حدود حجم بعض الأسماء ولا أعمالهم».
