الورقي
تسريب تسجيل صوتي صادم لـ«نجلاء فتحي» تهين فيه عادل إمام: اللي عملك الشعب
شهدت مواقع التواصل الاجتماعي، خلال الساعات الماضية، حالة كبيرة من الجدل، عقب تداول تسجيل صوتي للفنانة نجلاء فتحي، تتحدث فيه بطريقة صادمة عن الفنان عادل إمام.
وقالت «نجلاء»، في التسجيل: «عادل إمام اللي عمله الشعب.. اللي عمله الجماهير.. واللي وصل أجرك لملايين هو الشعب».
وأشارت إلى: «مرة عادل إمام كلمني وقالي بنعمل مسرحية في الصعيد.. وعملينها مخصوص عشان نرد على الجماعات الإسلامية.. كان وقتها بيحارب الجماعات الإسلامية وما زال برضو.. فقولتله وقتها والله يا عادل أنا بنتي عندها سنتين ومحتجاني».
وعن موقف عادل إمام من ثورة 25 يناير، وصفته بأنه موقف تعيس، مضيفة: «عادل إمام معملوش مبارك ولا أنور السادات ولا جمال عبد الناصر.. اللي عمله الشعب فكان لازم يبقى مع الشعب.. كان لازم يبقى له موقف أو لا موقف».
وأردفت حديثها: «ممكن يبقى ملكش موقف.. مش عايز أقول حاجة.. ساكت.. إنما تقعد تمدح في جمال مبارك وتشكر فيه ده مش مطلوب منك.. أنت بتمسح الجوخ لمين.. أنت نجم محبوب كبير.. دة هما اللي يمسحوا الجوخ ليك».
واستكملت: «الشعب اللي عملك ده تقوله أنا معاكم بقلبي يا إما تسكت تقفل الباب عليك وتسكت.. أعماله كلها فساد لمحبة الفساد.. يعني يطلع الفاسد في الآخر هو الرابح.. يطلع في فيلم السفارة في العمارة في النهاية إن علاقتنا بإسرائيل هي اللي هتكون أفيد».
وتابعت: «أنا كفنانة عارفة اللف والدوران ده.. يطلعلك الفاسد هو اللي بيحكم البلد ومعاه مليون جنيه.. فتحبه.. ويشتمه شوية.. بس في النهاية الشاشة قفلت على اية.. على إن الراجل ده استولى على البلد».
وأنهت حديثها قائلة: «زمان كنت بتعمل الولد الغلبان اللي بيضرب على قفاه ويبقى مظلوم وعايز الحق.. لكن بعد كده لأ.. من التمانينات ولحد دلوقتي.. أنت بتحط العسل في السم.. 40 سنة وأنت بتشرب الناس اللي الدولة والحكم عايزه».
عادل إمام يستعد لـ«الواد وأبوه»:
على الجانب الآخر، يستعد الفنان عادل إمام لبدء التجهيز لفيلمه الجديد «الواد وأبوه»، الذي يجمعه بابنه محمد إمام، وهو إخراج رامي إمام، وإنتاج عصام إمام.
ومن المقرر بدء الجلسات التحضيرية للفيلم، خلال الأيام المقبلة، بعد انتهاء محمد إمام من تصوير فيلمه «عمهم»، المقرر عرضه في موسم عيد الأضحى.
