تامر حسين يهاجم حسن شاكوش: «جاهل.. واتكلم بأسلوب أحسن من كده»

هاجم الشاعر تامر حسين، الفنان حسن شاكوش، وذلك بعد تصريحات الأخير حول عدم سرقته لحن أغنية «بنت الجيران» من أغنية «حاجة مستخبية» للفنان محمد حماقي، وأن الأخير أخذها من أغنية تركية.

وكتب، عبر حسابه على موقع التواصل الاجتماعي «فيس بوك»، قائلًا: «مُستفز جدًا كلام مطرب المهرجانات حسن شاكوش، تصريحاته التليفزيونية غير موفقه تمامًا، من الناحية الأدبية وذوقيات المهنة والجهل بالمعلومة والتدليس، اللي بيعمله للمُشاهِد اللي ميعرفش حقيقة لحن بنت الجيران، اللي مِن الحان ملحن شاب مصري مدين، الراجل تم التعاقد معاه، رسميًا من شركة تركيا بُمُقابل مالي نظير استخدام لحن حاجة، مستخبية اللي خلالك شئن وشهرك وكان سبب رزق ليك عيب، تِنكر الحقيقة وتضلل الجمهور اللي يجهل بالمعلومة».

وأضاف: «الراجل ماسرقش لحن حاجة مستخبية ده من إبداعه، وده تعدي على حقه الأدبي وممكن يقاضيك وياخُد تعويض على إساءتك وجهلك بالمعلومة، ثانيًا شتان الفرق الشاسع بينك وبين نجم كبير زي محمد حماقي فنيًا وأدبيًا وثقافيًا وذوقيًا من حيث المحتوى والمضمون، وسيبك من الزمن اللي احنا فيه وتدني الذوق العام وإعلانات اليوتيوب الممولة اللى خليتك تطلع تقول أغنية محمد حماقي جايبه 16 مليون مُشاهدة بطريقة سخيفه مِنك، وكأنك مايكل جاكسون، هتعدي السنين وهتشوف اللي حايعيش حاجة مستخبية وإلا أغنيتك اللي لولا نجاح أغنية محمد حماقي وتوصيلها لأكبر قدر من الجمهور ما كانتشي أغنيتك اتشهرت على الجاهز».

وتابع: «الراجلِ ساهم فى نجاحها فذوقيًا تشكره وتتكلم بأسلوب أرقى مِن كده على ناس كانوا سبب في نجاح ورزق ليك ومحدش جّرح فيك، كُلهم دعموكم عشان تاكلوا عيش وتنجحوا وأهاليكم وحبايبكم، يفرحوا بيكم والراجل أقدم مِنك وأشهر مِنك يبقى تقدره، وتتكلم بشكل مُنصف، ثالثًا صُناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللى إتاخد فى تركيا للنشر بُمقابل مالي والموزع الكبير أحمد إبراهيم، دول ناس يستحقوا الشُكر في العلن مش تشوية وتقليل».

وأنهى حديثه: «من قدر أغنيتهم اللي نجحت جدًا ف سنة نزولها وكانت أنجح أغاني السنة وأتمنى من الإعلام والسادة المسؤولين عن اختيار الضيف يصدروا للمُجتمع حاجات وطاقات حلوة مُبهجه مُستنيرة وعندها قدر من الوعي والاحترام والتقدير والذوقيات بلاش إحباط الله يخليكم مش هيبقى كرة وفن حافظوا على ما تبقىّ».

ماذا فعل حسن شاكوش بعد استقالة هاني شاكر من «المهن الموسيقية»؟

«خناقات» واشتباكات بالأيدي في مؤتمر «المهن الموسيقية» بسبب حسن شاكوش (صور)

يذكر أن حسن شاكوش حصل على كارنيه نقابة المهن الموسيقية، مؤخرًا، بعد فترة توقف امتدت إلى 10 شهور، على خلفية مشاكله مع أعضاء النقابة.