الورقي
اوعى تتكسر.. كلمات مؤثرة للداعية حازم شومان في جنازة نجله خالد (فيديو)
تصدر خبر وفاة ابن الداعية، الدكتور حازم شومان، مواقع التواصل الاحتماعي، وذلك بعد إعلان والده عبر صفحته الرسمية.
وكتب الشيخ حازم شومان في تغريده على حسابه بموقع التواصل "تويتر": "إنا لله وإنا إليه راجعون وإنا لفراقك يا خالد حازم شومان لمحزونون اللهم اربط على قلب والديه نسألكم الدعاء لهم بالصبر والثبات.
وكان يعاني الطفل خالد حازم شومان قبل وفاته من مرض العضال، الذي يعد من الأمراض النادرة الموجودة في العالم.
وسادت حالة من الحزن بين متابعى الداعية، الذين تقدموا بالتعازي، داعين لهم بالصبر والسلوان.
وتداول رواد مواقع التواصل الاجتماعي، مقطع فيديو مؤثر للدكتور حازم شومان، أثناء جنازة ابنه، يوجه خلاله نصيحة لمن فقدوا أولادهم في سن صغيرة، جاء فيه: بقول لكل أب فقد ابنه وهو طفل صغير اوعى تتكسر، اوعى تتكسر لما تلاقي اخواته مروحين البيت وابنك مش معاهم، لأنه ابنك هو الوحيد منهم اللى في الجنة.
وأضاف: هو الحتة الوحيدة منك اللى في الجنة مع سيدنا إبراهيم في الفردوس الأعلى، كان نفسك تدخل الجنة حتة من قلبك وكبدك سبقاك، اوعى تتكسر لما تروح البيت وتشوف الألعاب بتاعته وأنت مش قادر أنك تبصلها، لأن الألعاب أحسن في الفردوس الأعلى.
وتابع باكيا: اوعى تتكسر لما تروح البيت وتشوف هدومه لأن ربنا بيلبسه هدوم في الفردوس الأعلى، اوعى تتكسر لما تلاقي نفسك مروح لوحدك وابنك مش معاك، ربنا معاك، ربنا هيدخله الجنة من غير لا دنيا ولا شقا ولا ابتلاء ولا منازعة للموت ولا 50 ألف سنة في أرض المعشر ولا البهدلة دى كلها.
وواصل: ابنك ده قطرة من بحار حنان الله عليم، الحمد لله وابنك مريض عندك يقين أنه فيه رب تقوله يا رب، والحمد لله وأن ابنك بيموت عندك اله واثق أن ابنك رايحله.
