الورقي
غضب على «السوشيال ميديا» بسبب برنامج إيمي تاتو: «لا عزاء للخبرة وشقا السنين» (صور)
شهدت مواقع التواصل الاجتماعي، خلال الساعات الماضية، حالة شديدة من الغضب، بعد الإعلان عن برنامج جديد، تقدمه إيمي تاتو، على قناة «الشمس».
وأعرب الكثيرون من متابعي «السوشيال ميديا»، عن استيائهم من منح «إيمي» فرصة للظهور على شاشة التلفزيون، وتقديم برنامج، في حين وجود العديد من خريجي كليات الإعلام في منازلهم، ولا يحصلوا على هذه الفرصة.
وجاءت التعليقات كالآتي: «عايزة أعيط على مرمطة ٩ سنين شغل صحفية ومعدة ومراسلة.. وعايزة أعيط على ٤ سنين راحوا في تكليفات الكلية ومشروع التخرج وعايزة أعيط على الحال اللي وصلنا ليه في الشغلانة دي».
وكتبت آخرى: «الكوافيرة إيمي تاتو بقيت مذيعه قد الدنيا.. ولا عزاء للسنين والدراسة وتعب القلب ولا الخبرة ولا شقا وتعب السنين اللي اشتغلناها وحسبي الله ونعم الوكيل في اللي بيدمر المهن بالشكل ده.. أنا أروح افتحلي كوافير وأعمل تاتو أو لفتحلي كافية أقعد أشرب فيه نسكافية ليل نهار براحتي وأكسب وأبقى زي الفل بدل منا بدور على شغل ومش لاقية ومدام تاتو بقت مذيعة.. عليه العوض ومنه العوض.. أنا نمت وصحيت لقيت نفسي بقيت في الحال ده».
وقالت ثالثة: «بص هو أنا مش عايزك تتفاجىء بس دة برنامج في قناة فضائية للأستاذة إيمي تاتو».
يذكر أن برنامج إيمي تاتو يحمل عنوان «ضي القمر»، ويتناول قضايا المرأة وكل ما يتعلق بها، كما يعرض يوم الأحد في الساعة السابعة والنصف مساء، ويعاد يوم الخميس، الساعة الثالثة صباحًا.
