الورقي
ننشر نص التحقيقات في قضية هتك عرض طفل على يد عمه بالجيزة
أمرت نيابة جنوب الجيزة، بإحالة المتهم بهتك عرض الطفل البالغ عمره 12 سنة، في الوراق، بالقوة مستغلا ضعفه، وعدم تميزه؛ لصغر سنه، بأن جذبه عنوة، وحسر عنه ملابسه السفلية كاشفا عورته، والمتهم يعد ابن خالة والد الطفل المجني عليه إلى المحاكمة لاتخاذ الإجراءات القانونية اللازمة.
نص التحقيقات
وننشر فيما يلي، أقوال طفل الصف الرابع في التحقيقات الخاصة باتهامه لعمه بهتك عرضه.
س/ ما تفصيلات ما حدث ؟
ج/ اللي حصل أن أنا امبارح كنت بايت عند أبويا، عشان أبويا وأمي مطلقين، فأنا ببيت شوية عند أبويا، وشوية عند أمي، واليوم ده كنت مبيت عند ابويا، ولما جت الساعة 12 بالليل، أبويا راح شغله، وأنا بَيِّت مع عمي عبد الحميد، ابن خالة أبويا، وحوالي الساعة 5 الفجر وأنا نايم، لقيت عمي عبد الحميد راح ماسكني وشدني ليه، وحاول يعمل حاجات خادشة للحياء، هو يحاول وأنا قعدت اصرخ واعيط، واقوله أنت بتعمل إيه يا عم عبد الحميد، راح قالي: استني، هو أنا لسه عملت حاجة، وقعد يضايقني لغاية ما قالي أنا ارتحت خلاص، وقالي: أنت عايز فلوس؟ أنا بعمل كدة مع عيال كتير وبديهم فلوس، قولتله لأ، مش عايز حاجة، وجريت على أمي، وحكيت لها على اللي حصل، وماما أخدتني بعدها وروحنا على المركز، وعملنا المحضر، وبعدها روحت المستشفى كشفت، وسألونا في المركز، وهو ده كل اللي حصل.
س/ متى وأين حدث ذلك ؟
ج/ الكلام ده حصل الفجر، حوالي الساعة 5 صباحا، بمنزل عمي عبد الحميد.
س/ ما سبب ومناسبة تواجدك بالزمان والمكان سالفي الذكر؟
ج/ أنا كنت مبيت عند والدي اليوم ده
س/ من كان برفقتك آنذاك؟
ج/ أنا معايا عم عبد الحميد مبيت معايا، وأبويا كان معايا ومشي على شغله الساعة 12 بالليل.
س: وهل شاهد والدك واقعة قيام المشكو في حقه بهتك عرضك؟
ج: لأ، عشان والدي مشي على شغله الساعة 12 بالليل، وعمو عمل كدة فيا حوالي الساعة 5 صباحا.
س: ومن تتهم تحديدا بارتكاب تلك الواقعة ؟
ج: أنا بتهم عمو.
س/ وما هى صلتك وعلاقتك بسالف الذكر ؟
ج/ هو عمو.. أو تحديدا ابن خالة أبويا وقاعد معانا.
س: وكيف وقفت علي اسم وشخص المتهم سالف الذكر تحديدا؟
ج: عشان هو ابن خالة أبويا.
س: وما هي المدة المستغرقة تحديدا في ارتكاب تلك الواقعة؟
ج: حوالي نص ساعة تقريبا.
س/ وهل قام المشكو في حقه عبد الحميد السيد بالتعدي عليك جنسيا؟
ج/ أيوه.
س/ وما هي الحالة التي كنت عليها أثناء ذلك؟
ج/ أنا كنت نايم وكنت لابس بنطلون.
س: وهل استطالت يد المتهم أيا من مواضع العفة لديك؟
ج:أيوه.
س: وهل كنت غائب عن الوعي وقت ارتكاب المشكو في حقه سالف الذكر بتلك الواقعة؟
ج: أيوه، أنا كنت نايم وصحيت اتخضيت وقعدت أصرخ وأعيط.
س: وهل نتجت ثمة إصابات من جراء قيام المتهم بالتعدي عليك جنسيا وارتكاب تلك الواقعة؟
ج: أيوه.
س: وهل من ثمة شاهد على ارتكاب المتهم تلك الأفعال؟
ج: لأ.. هو مكنش في حد ساعتها.
س/ وما قصد المتهم من ارتكابه لتلك الواقعة؟
ج/ هو كان قصده يعمل لي حاجات قلة أدب.
س/ وكيف وقفت على ذلك؟
ج/ عشان هو ده اللي حصل
س/ هل لديك أقوال أخرى؟
ج/ لا.
