صفوة: اكتشفت إعاقة جوزي يوم صباحيتنا وحاولت انتقم منه (فيديو)

كشفت الفنانة صفوة عن تفصيل تعرضها لموقف صعب عقب اكتشافها أن زوجها الثاني لديه إعاقة جسدية، وذلك "يوم الصباحية".

وقالت صفوة خلال لقائها في برنامج "الترابيزة"، الذي تقدمه المذيعة أميرة بدر، ويعرض على قناة الشمس،:"الشخص دا كان محاسب وراجع من الكويت بقاله 14 سنة، فا في حتة تانية خالص، وبدون ما أفكر اتقدملي وعملي فرح أسطوري وشقة فظيعة، وكل الحاجات فوق الخيال".

وأضافت صفوة: "اتجوزت أخر يوم في العدة، أتجوزته وقعدنا شهر أو شهرين وكان أول مرة في حياتي أسافر إسكندرية معاه، وأخدني ملهى ليلي، وشوفت راقصة لابسة بدلة عجبتني وكنت عايزاها تبقى عندي بس، وبالفعل وأخدت منها البدلة".

وأوضحت: "قعدت بعدها أزن عليه إني أشتغل، كان وقتها عندي 20 سنة وهو كان كبير جدا، وهو كان عنده حاجات مش هينفع تتقال، مشاكل نفسية، "كان بيهيس ساعات"، ومشاكل جسدية أكتر".

وتابعت: "جوزي كان صورة بس وفوجئت بيه يوم الصباحية وقولت لماما إنه عنده شبه إعاقة، وماما لقتني لسه بنفس التسريحة، وكنت قاعدة مستنياهم، وطلبت الطلاق، وهو بقى حاسس طول الوقت إنه عنده ضعف".

واستكملت صفوة حديثها قائلة: "كنت بطلب منه نلعب وبضربه زي أفلام أميتاب باتشان من غيظي، وكان ممكن يحصله خربوش، ومن كتر الكبت كنت عايزة أضربه بجد".

واختتمت قائلة: "ولما دخلت الفن ما كنتش محتاجة فلوس وكان معايا فلوس كويسة جدا".

صفوة تشارك في ممنوع الاقتراب أو التصوير

وعلى الصعيد الفني، شاركت صفوة في مسلسل "ممنوع الاقتراب أو التصوير"، الذي عُرض عام 2018، وكان من بطولة: زينة، وفتحي عبد الوهاب، ونسرين أمين، ومي القاضي، وحازم سمير، ومحمد شاهين، وتأليف مصطفى الصفتي، وإخراج زياد الوشاحي.