الورقي
مجلس الزمالك يستقر علي تمديد عقد هذا اللاعب خوفا من الرحيل
يسعي مجلس ادارة الزمالك إلى تمديد عقد محمد عبد الغني لاعب الفريق علي الرغم من أن اللاعب يتبقي في عقده موسمين الإ أن الإدارة تري إنه من الأفضل ان يتم فتح ملف تمديد عقد اللاعب من الآن والا يتم ترك اللاعب حتي نهاية عقده
وجاء موقف مجلس الزمالك مع عبد الغني بعد أن تلقي اللاعب عدد من العروض في الفترة الأخيرة أبرزها عرض من نادي بيراميدز الإ أن فيريرا أكد تمسكه الشديد باللاعب لحاجة الفريق لجهوده
من ناحية أخري تداول رواد مواقع التواصل الاجتماعي، صورة حديثة للمستشار مرتضى منصور رئيس نادي الزمالك، داخل نادي الزمالك اليوم تنفي ما تردد خلال الساعات الماضية حول حبسه عقب تغريدة أحمد شوبير.
مرتضى منصور يظهر فى نادي الزمالك اليوم بعد شائعة حبسه
كانت بعض الأنباء أكدت أن مرتضى منصور قام بإبلاغ عمال وموظفي الزمالك بغيابه عن نادي الزمالك لمدة شهر، وهو ما ربطته الجماهير باقتراب دخوله السجن بسبب الحكم الصادر ضده.
وجاءت هذه الأنباء بالتزامن من التغريدة التي نشرها الإعلامي أحمد شوبير عبر حسابه الرسمي على موقع التواصل الاجتماعي "تويتر"، والتي كتب فيها: "القانون فوق الجميع"، مازاد من الشكوك حول هذه الأنباء التى تروج حبس رئيس الزمالك.
وجاءت الصورة المتداولة للمستشار مرتضى منصور، من داخل مقر نادي الزمالك اليوم، أثناء جلوسه على طاولة بصحبة جمال عبدالحميد عضو مجلس إدارة الزمالك، وتبادلهما الحديث.
وكانت محكمة جنح مستأنف الاقتصادية، برئاسة المستشار أدهم فهيم، قضت بحبس مرتضى منصور، شهر وتغريمه 10 آلاف جنيه، في القضية رقم 83 لسنة 2021 جنح اقتصادية المرفوعة من النيابة العامة، بناءً على شكوى محمود الخطيب رئيس الأهلي المصري، بتهمة سبه وقذفه وخدش سمعة عائلته.
وقضت محكمة جنح الاقتصادية برئاسة المستشار شريف البيلي، 27 إبريل الماضي بحبس مرتضى منصور سنة مع الشغل وكفالة 10 آلاف جنيه، وتعويض مؤقت 10 آلاف جنيه، وألزمته بالمصاريف وأتعاب المحاماة، وطعن مرتضى منصور على الحكم بالاستئناف، ونظرته المحكمة الاستئنافية بجلسة 8 يونيو الماضي، وقررت حجز الدعوى للحكم بجلسة 6 يوليو الماضي، ثم قامت بمد أجل للنطق بالحكم في جلسة الأربعاء 10 أغسطس.
رسائل مرتضى منصور “هاعتزل المحاماة لو أتحبست”
وجه المستشار مرتضى منصور رئيس نادي الزمالك رسائل نارية عبر مداخلته في برنامج زملكاوي على قناة الزمالك
وقال مرتضى في تصريحاته عبر قناة الزمالك: "انا عاوز العيال اللي بتقل ادبها يستنوا مذكرة النقض وبراهن بكل تاريخي لو الاحكام متلغتش هعتزل المحاماة وهترك الزمالك".
وأضاف: "بلاش استفزاز انا مبهربش واخر إشاعه إني اتمنعت من الظهور في قناة الزمالك أنا رئيس مجلس إدارتها إزاي هتمنع احنا كنا بنتعامل مع شركة محترمة وايه رايكم انا على قناة الزمالك".
وواصل منصور: "انا بتكلم في قناة الزمالك وبلاش تكلموا في موضوع الشهر لأنه يسيء لكم انتم، لي عتاب على جمهور الزمالك، فيه ناس بتقول متتكلمش علشان خايفين على الزمالك، واسكت يقولك ممنوع من الظهور ودول مش جمهور الزمالك دول بيقبضوا".
وتابع: "لو طلعت أوضحت وارد يقولك هتعيش النادي في قلق القضايا من 2018، والنبي ماتطلعش انت خايف على الزمالك ومش خايف علي وعايزني اتحبس، وانا لواخد 20 سنه مش هعتذر، ومجهز حاجات لجمهور الأهلي ولو نزلت كل ده جمهور الزمالك هيولع فيكم، ياجمهور الزمالك اطمنوا شوفتوا صفقة السله، صفقات القدم على تفس المستوى واكتر".
وأشار منصور:" بقول لكل الاولاد الصغييرين اللي بيهروا ان عامل لكم مشاكل، حسين لبيب جنتلمان ورجل شيك لما اتشتم قال لهم السوقه والعوام، المقصود مش مرتضى المقصود اي حد بيرجع الزمالك للبطولات وييرجع له هيبته".
واستطرد مرتضى: "انا متحمل علشان الجمهور والجمعية العمومية واللي عملته في نادي الزمالك وخلاص هنبني فندق عالمي وارض 6 اكتوبر هتتبني من فضلكم سيبونا تشتغل انتم عاوزين تطفشوني ليه؟، هيطلع 100 اتوبيس مع وجبات وميه لنقل الجماهير لدعم الفريق امام فاركو والاتحاد، اسكندرية مش بعيده، التواجد يكون الساعه 11 الظهر من امام النادي واهم شئ الفان اي والتذكره، هنعمل احسن احتفاليه لوفزنا بالدوري في الاستاد ابورجيله وحفله هيتواجد فيها هاني شاكر وواحد من 2 عمرو دياب أو محمد منير".
وواصل مرتضى:" ياجمهور الزمالك ركزوا مع الفريق وانسوني لو قراتوا مذكره النقض هنقولوا الرجل ده جبل، ركز مع الفريق وجايبين صفقات على اعلى مستوى لو ربنا كرمنا بالدوري هنلعب بطولة السوبر المصري السعودي امام الهلال وربنا يوفقنا ركزوا وشجعوا بكل حماس وباذن الله ربنا يكرمنا، بقول لمحمد صبحي انت هتفضل صغير وضئيل علشان لاعب كبير في الزمالك يكلمك وتقوله *مليش مزاج العب في الزمالك، انت يلا ملكش مزاج تلعب بالزمالك والزمالك مالوش مزاج تعدي من قدامه، *وكنت بتجي تعيط لي علشان 100 جنيه، قولت لـ أمير قوله أنت ترفض الزمالك والزمالك يرفض تشتغل فيه فراش، انت يلا بيدخل فيك 4 أو و5 اجوال خليك جمهور الزمالك قلبهم حنين، الزمالك قال طارق وحامد وابوجبل شكرا، ابوجبل اعتذر وعاوز يرجع وفيريرا مأجل الحسم لنهاية الدوري فيريرا مرفضش ابوجبل، لكن زعلان من طارق حامد لإنه غاب وربنا كرمنا بلاعيبه تانية".
وقال مرتضى منصور: “لي طلب ياجمهور الزمالك متشغلوش نفسكم بيا فاضل لنا ماتشين الزمالك اهم مني والدولة لوعارفة ان انا غلطان كنت فورا حبستني، عندنا ماتشات مهمة لو فزنا بفاركو والاتحاد هنحتفل بأهم دوري في تاريخ الزمالك كله من فضلك خليك مع الزمالك ركز في الماتش ابعد عني اتحبست هاروح أزور اصحابي في السجن رئيسك لم يحبس في قضية ساعات ولا260 مليون ولا استيلا ع مال عام دي قضية سب وقذف،ومحكمة النقض لو قالت انت غلطان هعتزل”.
وختم: "أنا ضد اللي حصل مع ياسر ابراهيم لإنه مش من حق حد يشتمني امام مراتي وضد ان رد فعل ياسر يكون بونيات اعتبره سفيه ومتردش، الواد بيقولك لك نفس تاكل وانت خسران دوري وكأس هو لو زملكاوي هيبوس ياسر علشان كان سبب في هدف الزمالك التاني في الكأس، فتوح مبيشربش الشاي يبقى بيسكر ؟ ولو بيسكر دي هتكون حالته في الملعب؟ عيب بجد يا استاذ محمود ابراهيم الخطيب لم العيال اللي عندك انت بتغلط بيتعمل ضدك بلاغ وصلوا 66 بلاغ دلوقت، يوم ما قولت مش هلعب ماتش المقاصه وملعتبش، لما قولت مش هاروح ماتش الاهلي ايام المطره والسيول مروحتش واتحملت المسئوليه، سمعت ان اتحاد الكره بعت خطاب بيعتذر انا عاوز اشوفه".
