ياسمين عز لـ البنات: متتجوزيش غير الراجل اللي يراعي ربنا فيكي بجد

تحدثت الإعلامية ياسمين عز، عن الأزمة التي تمر بها الفنانة شيرين عبد الوهاب، قائلة: “الناس كلها زعلانة وحزينة عليها وأنا واثقة ومتأكدة بإذن الله إن شيرين اللي كلنا نعرفها قادرة ترجع زي الأول وأحسن”.

وأوضحت ياسمين عز، خلال تقديم برنامجها “كلام الناس” المذاع على قناة “إم بي سي مصر” المعنى المقصود بـ شريك حياة، قائلة: “الوظيفة الأساسية لـ شريك الحياة إنه يسعد حياتك..يقويك.. يسندك.. يستحملك، وفي شريك حياة تاني بتكون وظيفته الوحيدة إنه ينهي حياتك دي يدمرك.. يحبطك.. يكسرك، مش فارقة بقى راجل أو ست لأني كل طرف فيهم في الحلو وفي الوحش”.

نصيحة ياسمين عز لـ البنات

ووجهت الإعلامية ياسمين عز نصائح للبنات: “مهما كان حواليكي ناس كتير حلوة لكن شخص واحد بس كفيل إنه يدمر حياتك كلها يسرق ضحكتك وعمرك وفلوسك عشان كده مهم جدا قبل الجواز تختاري صح وتاخدي رأي الكبار متمشيش بدماغك وخلاص”.

وتابعت: “يمكن طول الوقت بقول لكل ست حافظي على جوزك ودلعيه وعامليه بمنتهى رقة وحنان بس برده بقول الكلام ده للراجل اللي شايل مراته في عيونه وبيعاملها أحسن معاملة وبيدعمها عشان تكون ناجحة وسعيدة”.