حسام حبيب: شيرين هي من طلبتني في شقة التجمع

قال الفنان حسام حبيب إن شيرين عبد الوهاب هي التي طلبت منه الحضور إلى شقة التجمع لترد له اعتباره بسبب ما قيل عنه في الفترة الأخيرة وأنه السبب في أزماتها.
وأضاف حسام حبيب خلال مداخلة هاتفية مع الإعلامي عمرو أديب في برنامج "الحكاية" الذي يعرض على قناة mbc مصر: "شيرين عبد الوهاب كلمتني وقالت لي تعالى شقة التجمع وأنا كنت أول مرة أروحها، وهي خدت شقة التجمع علشان تكون قريبة من الأشخاص اللي كانت مقربة منهم الفترة الماضية".

وتابع: "شيرين أجرت شقة علشان تكون قريبة من شقتها الي كانت بتوضبها.. وكلمتني وقالت لي تعالى واقسم بالله يا حسام هردلك اعتبارك وهرجعلك حقك وهقف في ضهرك ومش هسيبك غير وأنت أحسن الناس.. قولت لها أنا مش عايزك تفكري فيا، ولو عايزة تديني الحق ده اثبتيلي أنك رجعتي شيرين اللي اعرفها".

واستطرد حسام حبيب: "شقيق شيرين كان عارف أني عندها في شقة التجمع وواحدة مقربة من شيرين كانت تعرفها من أسبوعين هي التي اعطته مفتاح الشقة اللي كان معاها وده عيبها أنها بتثق في الناس بسرعة، والموضوع كان مرتب ترتيب كبير جداً وكان مرتب يبقى أكبر من كده".