وصلة "ردح" عائلية بين حسام حبيب ووالده: شرف إني تربية ست

خرج الفنان حسام حبيب، عن صمته، عبر حسابه الرسمي على موقع "إنستجرام" من خلال خاصية الـ "story" ليرد على تصريحات والده حسين حبيب بعدما وصفه بأنه "تربية ست".

وعلق حسام حبيب: "أنا ليا الشرف إني تربية ست لأنها بميت راجل، وتربية الست دي هي اللي هاتخليني ماردش عليك.. حسبي الله ونعم الوكيل".

وأثار حسين حبيب والد "حسام" جدلًا كبيرًا بعد تصريحات الأخير في مداخلة هاتفية لبرنامج "الحكاية"، الذي يقدمه الإعلامي عمرو أديب عبر قناة MBC مصر، فيما يخص كتابة شيرين عبد الوهاب وصيتها تاركة كل أموالها وممتلكاتها لبناتها.

وقال حسين حبيب عبر حسابه الشخصي على موقع التواصل الاجتماعي "فيسبوك": "قولوا الحق ولو على أنفسكم، هو ينفع أخالف شرع ربنا بحجة اني أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

وتابع والد حسام: "إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".
وأضاف حسين حبيب: "بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين، وهي قالت لي يابابا انا عايزه اتجوز راجل يصرف علي، وقلت له عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، أخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك".

واختتم: "ورايح تقول لعمرو اديب وتهاجمني لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، ست طلعت من بيت مامي على بيت مراتك".