مصطفى كامل: النقابة بها تشكيل عصابي اجرامي

فجر مطرب المهرجانات حسن شاكوش، مفاجأة صادمة عن دفعه لأموال لأعضاء داخل النقابة نظير الغناء وممارسة عمله.

ووجهت المذيعة إنجي أنور لـ "حسن شاكوش" سؤلًا قائلة: "ليه عامل مشاكل ياحسن؟" ليقاطعها مصطفى كامل: "شاكوش مظلوم".

وقال حس شاكوش خلال مداخلة هاتفية مع الإعلامية إنجي أنور، ببرنامج "مصر جديدة" خلال استضافة الفنان مصطفى كامل: " سيادة النقيب من قبل ما يمسك كنت بروح له البيت زيارات عنده وعياله صحابي وهو أكتر واحد عارف أن الدنيا مكنتش مظبوطة خالص".

وأضاف مطرب المهرجانات: "إحنا كنا بنشتغل بالأمر من جوة المجلس، أنت هتدفع كذا وتشتغل ولو مش هتدفع مش هتشتغل، ودفعت فلوس لعضو لمجلس نقابة سابق عشان أشتغل".

وأوضح حسن شاكوش: "أنا وضحت للنقيب مصطفى كامل أنا كان قصدي إيه.. أنا اتظلمت من مجلس النقابة السابق، والأستاذ هاني شاكر مكنش يعرف إيه اللي بيتلعب من تحت الترابيزة، هو فخ واللي أنا حاسه أن أستاذ هاني شاكر مكنش يعرف الكلام ده وربنا يكرمه في حياته اللي جاية".

ومن جانبه، أوضح نقيب المهن الموسيقية مصطفي كامل أن مطربي المهرجانات تعرضوا للظلم من أعضاء داخل مجلس نقابة المهن الموسيقية السابق ووصف بعضهم: "تشكيل عصابي اجرامي" لافتًا: "أنا ومجلسي بنحارب تشكيل عصابي داخل النقابة".