شيرين عبد الوهاب تشكر شقيقها بعد دخولها المستشفى

وجهت النجمة شيرين عبد الوهاب، رسالة لشقيقها "محمد" لافتة إلى أنه له فضل كبير في علاجها.

وأضافت شيرين عبد الوهاب خلال مداخلة هاتفية في برنامج "الحكاية" مع الإعلامي عمرو أديب: "بفضل المستشفى بقيت أحسن وعملولي فحص لكل حاجه واعطوني فيتامينات وبقيت احسن جدا".

وتابعت: "وانا الحقيقة بشكر محمد سيد عبد الوهاب إنه هو عرفني بالناس المحترمة دي ورعوني بسكل جيد وكانوا بيخافوا عليا وبقيت بصحى بدري وبفطر وبجلس في الشمس".

واستكملت شيرين عبد الوهاب: "ومن خلال برنامج الحكاية بشكر صحافة بلدي والاقلام اللي كتبت حلو واللي جرحت وهتنازل عن اي حاجة كنت عملتها لاخويا لاني مقدرش اعمل كدة لان انا شيرين اللي قلبي متسامح وانا بخف بالتسامح.. مش ممكن امي تبات امي باكيه بسبب خلافي انا وشقيقي".

وصرحت النجمة شيرين: "بتنازل عن حقي في كل حاجة حصلت معايا ويمكن يكون ربنا يكون فداني من حاجة سيئة كانت هتحصل ليا".

تصدر اسم النجمة شيرين عبد الوهاب قائمة محرك البحث "جوجل"، خلال الأيام الماضية، منذ دخولها أحد مستشفيات العلاج النفسي على يد شقيقها، الذي أعلن أنها تتعاطى المخدرات مع حسام حبيب.