ريهام سعيد توجه رسالة للإعلاميين بخصوص قضية منة شلبي

علقت الإعلامية ريهام سعيد على أزمة الفنانة منة شلبي بعد القبض عليها بسبب حيازتها لمواد مخدرة بعد وصولها لمطار القاهرة خلال عودتها من نيويورك.

وقالت ريهام سعيد خلال حلقة برنامجها "صبايا الشمس": "أنا مش عايزة اتطرق ومش هجيب سيرة اي حد، لني مش بحب الفضايح، ومش مع تسريب معلومات شخصية عن أي شخص زي الباسبور اللي انتشر بشكل كبير،ولكن لما أي حد يطلع البرنامج هو بيطلع برضاه علشان يؤثر في الرأي العام".

وأضافت ريهام سعيد: "للسادة الإعلاميين اللي بيحاول يدافع عن فنان أو فنانة معينة ويطلع يقولك أصل الماريجوانا دي مش مخدرات هو ده اللي خطأ لأن ابني بيتفرج عليك وتطلع تقوله أن نسبتها مصرح بها في الآخر ولكن في الآخر دي مخدرات لو ملهاش أثر أنها تبقى إدمان ولكن لها أثر نفسي وهي كيمياء تدخل المخ مينفعش اطلع أقول أنها عادية ودي رسالة مش علشان ادافع عن حد أوصل رسالة للناس كلها خطأ".

إخلاء سبيل منة شلبي

يذكر أن النيابة العامة أمرت بإخلاء سبيل الفنانة منة شلبي بعد استجوابها إثر ضبطها بمطار القاهرة الدولي عائدة من الخارج وبحوزتها مواد يُشتَبه في كونها مخدرات، وورود محضر بالتحريات حول الواقعة، وذلك إذا ما سددت ضمانًا ماليًّا قدره خمسون ألف جنيه.