إيناس الدغيدي: عندي فيلم عن "زنا المحارم" والمنتجين خايفين منه

كشفت المخرجة إيناس الدغيدي عن تفاصيل فكرة فيلم جديدة والذي تريد تقديمه منذ فترة، قائلة: "المنتجين خايفين منه".

وقالت إيناس الدغيدي خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM": عندي فيلم الناس خايفة منه، بيتكلم عن البنات اللي حصل في حياتهم "زنا محارم" سواء مع الأب أو الأخ بيعيشوا الحياة بعد كده إزاي، بيكونوا عنيفين، وبيعيشوا بنفسية مش مظبوطة وهما مؤثرين على المجتمع".

وأضافت: "ثم إن القانون بيحاسب الأب أو الأخ كأنه اغتصب واحدة عادية، مفيش قانون خاص لهذا الموضوع، وفي فرق أكيد، أنا بناقش الفكرة دي أن الأب والأخ لازم يكون ليهم عقاب أكبر".

وأوضحت إيناس الدغيدي: "الفيلم قاسي، ولكن ليس قاسي في المشاهد ولكن في الموضوع الذي يقدمه، المنتجين بيقولوا أن دا دخول في الممنوع والمحظور وأنا مش هقدم حاجة مكرره، ومفيش منتجين عندهم الجرأة والشجاعة، عشان كده أنا أنتجت 8 أفلام لأن المنتجين بيبقوا عاوزين الفلوس مش بيبصوا للموضوع".

فيلم مجنون أميرة

يذكر أن آخر أعمال إيناس الدغيدي كان فيلم "مجنون أميرة" الذي عُرض عام 2009 وهو من بطولة: نورا رحال، وحازم سمير، ومصطفى هريدي، وشمس، وهياتم، وهشام عبدالله، وعادل عمار، وأمينة، ونادية العراقية، ومراد فكري صادق، وهو من تأليف أشرف شتيوي.