الورقي
الرئيس السيسي: اللي حمى مصر ربنا وهذه أمنيتي للعام الجديد
تحدث الرئيس عبدالفتاح السيسي، عن أحداث ثورة يناير 2011، مؤكدًا أن الخوف على المواطنين المصريين والبلد كان أمرًا ضروريًا، لكل مسؤول بالدولة حينها.
السيسي: أكتر حاجة صعبة إنك تشعر أن أهلك وناسك يضيعوا
وقال «السيسي»، خلال احتفال «قادرون باختلاف» في نسخته الرابعة تحت شعار «لينا مكان»، اليوم الأربعاء، بمركز المنارة الدولي للمؤتمرات بالتجمع الخامس بالقاهرة الجديدة، "أكتر حاجة صعبة إنك تشعر أن أهلك وناسك ممكن يضيعوا وأنت مش عارف تعمل حاجة".
وتابع الرئيس السيسي، ردًا على التساؤلات الواردة في فقرة «اسأل الرئيس»، خلال الاحتفالية، "سؤال الشاب رامز من أصعب الأسئلة، لكني جاوبت عليه كل مصداقية، وفي ناس كتير في مصر وتحديدًا في القوات المسلحة كان عندهم القلق والخوف من خروج الأمور على مجرياتها وتسبب دمار للبلد، ولكن وأنا باقولها دلوقتي بعد 11 سنة إننا لازم تعرف يا رامز وكل المصريين يعرفوا أن اللي حمى مصر ربنا سبحانه وتعالى".
وأضاف السيسي: "كنت من الناس اللي ممكن كانوا شايفيين قد إيه حجم الدمار اللي كانت تدخل فيه مصر، وبالتالي كانت مصر تضيع فيه لسنين طويلة توصل لـ 20 أو 30 أو 40 سنة الله أعلم، ولكن ما فيش حد تاني حمى البلد دي غير ربنا سبحانه وتعالى".
الرئيس السيسي يكشف عن أمنيته للعام الجديد
واختتم الرئيس السيسي حديثه في هذا الشأن، قائلًا: "البلاد اللي حوالينا أنتوا شايفنها، اللي دخل في أزمة 2011 ما رجعش، وبالمناسبة مصر كانت أضعف ظروف من البلاد دي"، مُضيفًا، "احنا عددنا كتير وتحديدًا نسبة الشباب في الدولة، وبالتالي لو كان حصل بشكل من الأشكال حرب أهلية في 2012 و2013، كان راحت مصر، ولكن نقدر نقول إن الجيش والشرطة والدولة دفعا ثمنًا كبيرًا".
كما كشف الرئيس عبدالفتاح السيسي، عن أمنيته خلال العام الجديد، وذلك ردًا على سؤال فرح حسن، إحدى المشاركات، "حضرتك تتمنى إيه في السنة الجديدة يا ريس؟"، قائلًا: "اللي في مكاني ده ميتمناش غير كل خير لبلده عشان يقدر يلبيلهم ويحققلهم كل اللي هم نفسهم فيه، وإن كان عليا أنا على المستوى الشخصي يعني مبقاش ليا حاجة شخصية الحقيقة، كل همي إن أنا ربنا يعيني ويوفقني ويكرمني بحيث إني أقدر أيسر لكم شوية الحال".
