٨٥٪ من أسباب السقوط المتكرر لمنصة أبنائنا فى الخارج سوء الإدارة

على الرغم من إعتذار الوزارة لإبنائنا فى الخارج عن السقوط المتكرر لمنصة الإمتحانات، وإعلانها روابط جديدة، لم تتوقف معاناة أبنائنا فى الخارج من لأن الامتحانات من خارج المناهج، وأسئلة الاختيار من متعدد، جاءت الإجابات الصحيحة غير موجودة. 

وأرجع سامح عبده ولى أمر لإبنائنا فى الخارج أن  85% من المشاكل  التى يعانى  منها أبنائنا فى الخارج خلال الفترة الماضية  والحالية  لسوء إدارة ونقص فى خبرة  إدارة المنصات التعليمية،  و هو ما ظهر واضحا من مشكلة امتلاء  صندوق بريد المستلم  فى الوقت اللى بداء فيه الطلاب إرسال الإمتحانات على الإيميل وهو ما يستوجب تفريغ الصندوق والطباعة أول بأول تفاديا لحدوث مثل هذا الموقف وتوفير  مساحة  لباقى  الإمتحانات.
المشكلة الثانية  الامتحان لا يسجل إنتهاء  " فنش" بعد الطالب ما يخلص حل  الامتحان، وتأخر المسؤولين عن الدعم الفنى   كالعادة من العام الماضى  الناس بتتواصل معهم وما فيش ردود عليهم.

ووجه عبده كلامه للمسئولين عن المنصة مش عيب لو حضراتكم مش عارفين تشغلوا المنصه،العيب فى استمرار وتكرار نفس الأخطاء،  وهو ما يستوجب الإستعانة بشركة ثانية  مختصة بعمل المنصات.

اخطاء فى امتحانات ابناؤنا فى الخارج.

وأشار إلى أن 15%  من المشاكل التى واجهت أبناؤنا فى الخارج  متعلقه بشكل ومضمون الإمتحانات واحتوائه على اسئلة من خارج المنهج أو من الترم الثانى واسئلة غلط وأجوبة غلط تحديدا فى اسئلة الإختيار المتعدد الإجابات غير موجودة فى الإختيارات المتاحة، وهو ما يجعله يتساءل هى  الإمتحانات خضعت للمراجعة بعد وضعها ؟
وتضيف آمال سعيد وليه أمر لطلاب أبناؤنا فى الخارج بأن نموذج الأسئلة اللى  موجود فى  المنصة الجديدة الخاص بامتحان الإنجليزى  المستوى رفيع (بابل شيت نموذج ١) للصف الأول الإعدادى  ناقص ورقة، من المفترض  ٣ ورقات بها ١٥ سؤال،والموجود ورقتين بها ١٠ أسئلة فقط،مما دفعه لإرسال ايميل للدعم الفنى لتعديل نموذج الأسئلة لكن مفيش استجابة.

وتقول سعاد حسين وليه أمر لطلاب من أبناؤنا فى الخارج أن امتحان الماث للصف الرابع الابتدائى فى سؤال الإختيار الإجابة الصحيحة غير موجودة، هذا فى الوقت الذى شهد نفس الامتحان تكرار  الاجابات الصحيحة لنفس الإختيارات.
وأشارت نهى الصواف وليه أمر لطلاب من أبناؤنا فى الخارج شهد امتحان الماث للصف الخامس الإبتدائى سؤالين تكررت الإجابات الصحيحة مرتين، وماث الصف السادس موجود فيه سؤال من الترم التانى  أصلا.
وتضيف شيماء مسعود ان امتحان الماث للصف الأول الاعدادى فيه سؤال إختيارى الاجابة من خارج الاجابات المطروحة. 

يشير محمد  إسماعيل ولى امر لابناؤنا فى الخارج ان الوزارة لو صرفت واحد من مائة على  اللى  خدوه من أولياء الأمور لتجهيز المنصة بسيرفر قدرته أعلى.مشيرا إلى " إنه ا لو منصة فول وطعمية واحنا بنشترى من عندهم هتدار احسن من كدة،"
و وجه كلامه للمسئولين عن  المنصة الإلكترونية لأبناؤنا فى الخارج  بوزارة التربية والتعليم بانهم المفروض على علم بإمكانياتهم المحدودة جدًا، وكان ممكن يتعمل تحديث للسيرفر  مما يسمح بزيادة الطاقة الإستيعابية الخاصة بمنصة الاختبارات بمبلغ ١٠٠ الف جنية   ما يعادل ٣ الاف  دولار وهو يعادل مصروفات ٢٠ طالب فقط من الآلاف من أولادنا المتقدمين وقاعدين مزلولين  قدام الشاشات هما واهاليهم وسايبين شغلهم وحالهم أو حتى كانوه  زودوه  شوية رامات تقوى  السيرفر.