"ياسر قنطوش" موجود.. مي حلمي تحذر منتقاديها بعد رفضها مساعدة سيدة

تعرضت الإعلامية مي حلمي، لموجة إنتقادات كبيرة من متابعيها بعد رفضها طلب سيدة بمساعدتها في توفير ملابس لنجلها ليذهب بها للجامعة، لعدم قدرتها على توفير طقم لإبنها للذهاب به للجامعة مثل أصدقاءه.

وقالت عبر رابط القصة عبر حسابها الشخصي على "فيسبوك"، رأي ومش هاغيره واللي مش عاجبه مايبعتليش بتدافعوا عن إية؟ عن راجل مخلى أمه تشحتله، أنا ساعدت قبل كدة بتاع الكشري ووفرتله فرصة عمل وتخيلوا رفضها، وبعد كدة بقي نجم والناس بتدعي علينا علشان احنا اللي عملنا فيه كدة".

وتابعت مي حلمي قائلة:" ودلوقتي زعلانين إني بقولها خليه يبقي راجل ويعتمد على نفسه ويشتغل أنتوا ضد اي حاجة ضد الطبيعي موافقون لأن كل اللي دافع عن أم بتتسول لإبنها بدل ما يشتغل شخص حقود وأنتو لو اطلب منكم دة والله ولا حتي ربع جنيه هتدفعوه".

وختمت مي حلمي قائلة:" وعلى العموم أستاذ ياسر قنطوش قاعد لأى حاجة خارجة تتقال على السوشيال ميديا وهو لسة جايبلي حقي من فيديو قديم بشكرك أنت قولتلي ماتقوليش بس بحب أفكر الناس إن حضرتك موجود وبتجيبل أحكام على اللي بيتطاولوا علشان انا شخص مش بيسامح في إهانة".

يذكر أن تداول روّاد السوشيال ميديا، عبر موقع التواصل الاجتماعي "فيسبوك"، مقطع فيديو للإعلامية مي حلمي، ترد فيه على متابعة لها عبر موقع تبادل الصور والفيديوهات القصيرة "إنستجرام" طلبت ملابس لنجلها "طالب في الجامعة" نظرًا لضيق الحال الذي تمر به الأسرة.

وقالت مي حلمي: "اللي أنا هقوله دا مش جحود ولكن كلنا شقيانين بشكل أو بآخر بطريقة أو بأخرى، لما حد يبعتلي يقولي أنا قد مامتك نفسي في طلب ابني في الجامعة ونفسي يلبس زي أصحابه حلو، ممكن تساعديني ولو بطقم"، أحب أرد عليها وأقولها دي رفاهية، والرفاهية دي عشان نعملها بنتعب جدًا".
وأضافت: "أنا كنت بشتغل وأنا في الجامعة ليه انتي عاوزة تشحتي لابنك عشان يلبس كويس زي صحابه، ما تخليه يشتغل ويلبس من فلوسه لأني كنت شغالة وأنا في الجامعة، مع إن أهلي مش محتاجين التعاون دا، بس ليه أنا أخلي أمي تطلب طلب زي ده، ابنك مش أحسن مني، وكان عندي كرامة وعزة نفس، مش تحامل بس انتوا نسيتوا قوانين الدنيا، يعني انتي عايزاني أصرف على رفاهية ابنك بدل ما تقوليله اشتغل".

مي حلمي توجه رسالة شديدة اللهجة لأم طلبت مساعدتها في ملابس لنجلها

مي حلمي: ماحدش بيساعد حد 

واختتمت قولها: "محدش بيساعد حد، وناس متغربة وشغالة، محدش بيساعد حد إلا في الحالات القصوى، المرض، الحوادث، الحاجات الكبيرة، وأنا شغالة من وأنا عندي 16 سنة، إنما أصرف على ابنك عشان يلبس، انتي المفروض تساعديه عشان يبقي راجل مش تشحتيله".