الورقي
تفاصيل مخجلة تكشفها طالبة جامعية بعد هتك عرضها بشبرا
أحال المحامي العام الأول لنيابة شمال القاهرة الكلية، المتهم بهتك عرض طالبة جامعية بشبرا إلى الجنايات.
أمر الإحالة
جاء بأمر الإحالة أن المتهم هتك عرض فتاة جامعية بالقوة في شوارع شبرا بأن باغتها إبان سيرها بالطريق العام بشبرا وتحسس بيده مواطن عفتها بغير رضاها ملقيا الروع في نفسها واستمعت جهات التحقيق لأقوال المجني عليها وجاءت كالأتي:
ما هي تفصيلات ما حدث؟
ج: إلى حصل أن أنا يوم الأحد اللي فات حوالي الساعة 7.30 صباحًا في شارع الباشا في شبرا القاهرة كنت رايحة اركب عشان أروح الجامعة ولاقيت حد صوته جاي من ورايا بيوصف جسمي من أسفل وبيقول ألفاظ وحشة وبعدها الصوت قرب ولقيته بيقولي سامحيني يا مزة ومسكني من جسدي من منطقة حساسه بايده فأنا جالي زي دهشه وصدمه فى نفس الوقت ولاقيته راكب موتسيكل وشفته من الجنب ومن ورا وعدى بالموستيكل من جنبي وبصيت على بابا لأنه كان لسه سايبني من شوية ورايح المكتبة في شارع شبرا يجيب حاجات فملقتهوش وبعد كدا صرخت فى الشارع وهو ده كل إلى حصل.
س: ما هي مظاهر القوة أو التهديد التي أتاها المتهم تجاهك؟
ج: هو مسكني من منطقة حساسه فى أسفل جسدي غصب علي.
س: وما مدى رضائك بشأن ما آتاه المتهم من فعل؟
ج: ده كان غصب عني طبعا مكنتش عايزة حد يلمسني.
س: وما هي الإصابات التي ترتبت على فعل المتهم؟
ج: محصليش أي إصابات.
س: ما الأثر المترتب على ما آتاه المتهم من فعل إذا؟
ج: هو خدش حيائي باللي هو عمله لأن ده عيب ودي منطقة حساسة.
س: ما الفترة الزمنية التي استغرقها المتهم في الاعتداء عليك جنسيًا ؟
ج: هو الموضوع حصل في حوالي ثلات ثواني.
