بتذاكروا ولا مقضيينها مسلسلات؟.. تفاعل واسع على السوشيال ميديا مع اتحاد أمهات مصر

"يا تري ماشيين علي نظام في المذاكرة في رمضان ولا مقضيينها مسلسلات"، سؤال طرحته عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، على الأمهات في منشور علي صفحة الإتحاد والائتلاف، في الفيسبوك.

وتفاعل العشرات من أولياء الأمور مع المنشور، حيث قالت ولي أمر: "الحمد لله مش متابعين التلفزيون بس بنحاول نذاكر"، بينما ذكرت أخري: "مقضينها مسلسلات وعزومات وربنا يستر".

وأضافت ولي أمر: "دروس بعد الفطار+ المذكرة"، وتابعت أخري: "لسه بنحاول نتعود على أجواء رمضان واليوم بيضيع بسرعه بسبب العزومات، إن شاء الله الايام الجاية الدنيا تتظبط شوية".

"بنحاول نذاكر بس المشكلة الولاد سنهم صغير علي الصيام كامل والمذاكرة مع الصلاة وقراءة المصحف بحس أننا بنجري علشان نقدر نلتزم بكل حاجة، ابنى فى الصف السادس الإبتدائي ربنا معاهم جميعا ونلتزم فى رمضان"، تضيف ولي أمر أخري ساخره: "مذاكرة......مش فاكرة آخر مرة سمعت الكلمة دى امتى".