مؤلفة الرواية الأصلية ل "جت سليمة" تكشف تفاصيل سرقة صناع المسلسل لها

كشفت الكاتبة رشا عزت الجزار عن تعرضها لسرقة أسم فيلمها الروائي الطويل  "جت سليم"، من جانب صناع عمل مسلسل "جت سليمة" واسم بطلة العمل، واقحامه على حكاية أخري من رواية اخري مسروقة أيضاً ل ريوان أبو خشم.

 وقالت الكاتبة رشا عزت مؤلفة القصة الأصلية، أن بطلة عملها تدعي "سليمة النهاش" بنت إحدى عزب الإسكندرية، بنت من بنات البلد الجدعان، الجدر الاخير والطيب الممتد من نسل النهاش الكبير، تتميز بشعر ناعم وطويل وغزير وجميل وكل ستات الحته معجبه بشعر سليمة وحسدنها عليه، مع إنه ا محلتهاش غيره حسب وجهة نظرهم.

وخلال القصة الأصلية تتلقي "سليمة" بطلة العمل عروض مستمر لبيع شعرها لصالح صناعة البواريك النسائية للأثرياء وبترفض كل الوقت، بالرغم من ان العروض بتقدم لها أسعار مغرية جدًا على واحدة في مستواها الإجتماعي الأقرب لخط الفقر، لكن سليمة الشبعانه على طبلية ابوها بترفض برده.

وقالت مؤلفة العمل الأصلي "جت سليمة"، سليمة اللي عندي واللي غزلت تفاصيلها من روحي بتتعرض لظروف قاسية بتجبرها على حلق شعرها وبيعه بتجبر على فقد جزء هام من انوثتها، كل الستات كانت بصالها فيه، في سبيل إنه ا تتمسك بتحقيق غريزة الامومة.
ياتري سليمة بتاعتهم هتجبر هي كمان على بيع شعرها برده، ولا لانهم مبدعين هيخلوها تقصه أو يتقصلها غصب عنها.

وكشفت رشا عزت مؤلفة العمل أوجه التحريق في عملها الأصلي خلال أحداث المسلسل، وأن سليمة في المسلسل، حتى الأن لم يذكر اسم والدها، وهل أسم سليمة دا شئ نمطي ومعتاد؟ طب دانا اللي كتباه عمري ما سمعت عن اسم بنت اسمها سليمة، قوم يجلهم الهام باسم سليمة واسم الفيلم مع بعض شوف ازاي عندهم مغيرين ومخليين شعرها قصير وكيرلي، التاتش طبعا، عندهم لما سليمة بتاعتهم بتروح الزمن القديم فجأة بتظهر لها ست بتُعجب بشعرها وبتحاول تقصهولها غصب عشان عاجبها وعاوزة تاخده منها بالعافية.

أنتوا ضرتوني في مشروع كامل خد من روحي أكتر من سنة ونصف

ووجهت الكاتبة رشا عزت لصناع عمل مسلسل جت سليمة قائلة: "أنتوا ضرتوني في مشروع كامل خد من روحي أكتر من سنة ونصف
ليه السرقة والأذيه؟ انتوا مسلسل فانتازيا وأنا فيلم روائي طويل، دراما اجتماعية
فرقت معاكم في ايه السرقة؟ هل اضافة شئ وأو لحكايتكم؟ هل حسستكم انكم راضيين وشاطرين ومبدعين؟ اشبعت ايه فيكم عاوزة اعرف؟".

واستكملت قائلة الكتابة وخاصةً الكتابة الإبداعية بتاخد من روحنا ومن عمرنا ومن وقتنا ومن طاقتنا ومن مشاعرنا ومن طموحنا ومن احلامنا، يعني مش بس بتسرقوا مجهود اتبذل في الورق، انتوا بتسرقوا حته من روحنا كمان، وان شاءالله هتحصدوا في شغلكم وفي حياتكم حصاد من نفس نوع الزرع، ماهو اصل ربنا عادل، فوضت امري لله، وهستسلم أسهل عشان هو دا حالنا كلنا في مصر، محدش بياخد حقه غير لو عنده ضهر أو عنده شله.