بعد 3أشهر استرجعوا الانسيال بسعر الذهب القديم.. تفاصيل صادمة لتجربة عميلة مع "لمسة"

متصدقوش الاعلانات والدعاية الوهمية لمحل مجوهرات "لمسة" اللى بيعملوها على السوشيال ميديا الحاجة حرام فيها الفلوس ومصنعيتها غالييية جدا وأغلى من محلات كبيره تانية، خدمة ما بعد البيع مفيش اصلا خدمة عندهم بجد دى أول وأخر مرة أجيب منهم حاجة ولما جيت استرد فلوسى حاسبوني بالسعر القديم ماحسبونيش بالسعر اليوم الجديد.

هكذا كشفت احدى عملاء "لمسة" عن غضبها من محل المجوهرات بعد تجربتها معهم في شراء إنسيال ذهب، وقالت إنه ا قامت بشراء انسيال ذهب في شهر يناير وقطع بعد شهرين، على ضوء توجهت لفرع "لمسة" لاصلاح الانسيال ولحامه فوجئت باستقبال سيء من العامل وقالت "استقبلونى وحش والعامل قالى خلاص خلصنا كفاية كدة بكرة رمضان عايز اروح، معرفش دى محل كشرى ولا اية؟".

معاملة سيئة مع لمسة 

وتابعت قائلة:" مفروض محل كبير وكدة زى اللى بشوفو على سوشيال ميديا،  شوفت الانسيال  لقيته زى ما هو ومكان القطع مسود وان الانسيال قعد أسبوع ١٠ ايام أحاول اكلمهم محدش بيرد المفروض قالولى حد هيكلمنى حاولت اجيب رقم الشكاوى عندهم قالولى سيبيه تانى وتعالى بعد أسبوع أو ١٠ أيام تانيين  نفس السيناريو محدش كلمنى ولا بيرودوا كلمت الشكاوى قالتلى تمام ممكن تبدليه لو التصليح مش كويس روحت عشان أستلمه أو أبدله المعاملة وحشة جدا منهم بجد".