المتهم بقتل 7 من أسرته بالإسكندرية: اكتشفت إن مراتي خانتني مع صاحبي

جريمة الإسكندرية.. كشفت التحقيقات في واقعة اتهام أمين الشرطة بقتل 7 من أسرته في الإسكندرية، أن المتهم استخدم كاتم صوت حتى لا يسمع الجيران صوت الرصاص، وتم اكتشاف الواقعة من قبل شقيقة الزوجة عند ذهابها لمنزل والدتها إثر اتصال الطفل الوحيد الناجي بها، وعندما فتحت باب الشقة فوجئت ببركة من الدماء، وكل أفراد الأسرة جثث هامدة، إلا نجل شقيقتها الأكبر والذي نقل إلى المستشفى بإصابات بالغة.

المتهم بقتل 7 من أسرته بالإسكندرية: اكتشفت إن مراتي خانتني مع صاحبي وأنا كنت بحبها 

المتهم بقتل 7 من أسرته بالإسكندرية يدلي باعترافات
وحصلت النبأعلى نص التحقيقات واعترف المتهم بارتكاب المذبحة قائلا: اللي حصل إن أنا في سنة 2013 كنت عند زيارة لأخويا محمد وقابلت نورهان اللي اتجوزتها واتعرفت عليها هناك لأن مرات اخويا تعتبر خالة نورهان ومن ساعة ما شفتها وأنا كنت ناوي اتجوزها وفعلا اتقدمت لها واتخطبنا سنة دي واتجوزنا في 2014 وكان جواز شرعي ساعتها ووثقتها في 2018 لما كملت السن وكنا عايشين حياة كويسة، وكنت عامل شغل باسم مراتي نورهان الله يرحمها لأن أنا كنت بثق فيها.
وأوضح المتهم بارتكاب جريمة الرمل بالإسكندرية: "أنا اتفاجئت إن نورهان على علاقة بواحد كان شغال معايا في صيانة الموتسيكلات وعملت محضر بالكلام ده بس أنا ما كلمتهاش عشان خاطر العيال واتكلمت معاها وقولتلها تقول الصراحة علشان إحنا ماكنش فيه غير الصراحة بينا قالتلي إن هي فعلا كانت على علاقة بشخص آخر، وأنا علشان وعدتها إني مش هعمل فيها حاجة لو قالتلي الصراحة ونفذت الوعد ده، وماجتش جنبها، وحكمت عليها إن أحلقلها شعرها وفعلا حلقتلها شعرها بالمكنة ومن ساعتها خدنا وعد على نفسنا إن إحنا مانخونش بعض وإن ميفرقناش غير الموت.
المتهم: اتفقنا ما يفرقناش غير الموت.. وخانتني مع صاحبي 

تطورات جديدة في واقعة قتل خفير شركة الإسكندرية للمقاولات بمنطقة الهرم

الإعدام شنقًا لشاب والسجن المشدد لآخر بتهمة قتل سائق في سوهاج

وأكمل المتهم بقتل أسرته في الإسكندرية أثناء اعترافاته أمام جهات التحقيق: اتفقنا إننا نخلف تاني ونجيب بنت نسميها وعد، صدقا للوعد اللي بينا، وفعلا ربنا كرمنا بـ وعد في سنة 2020، وفي الوقت ده إحنا كنا ساكنين في شارع عشرين قسم الرمل، وبعد موضوع علاقتها بالشخص الآخر نقلت في شارع البحرية في منتزه ثالث، واشتغلت في تربية الطيور والموضوع خسر معايا ومشيت من المنطقة دي كلها، ورحت نقلت في العجمي في شارع قاصد كريم في البيطاش، وكملت شغل في مركبات الشرطة من غير تعاقد، علشان كان في أوراق محتاجها جديدة شهادة أمان وأنا مكنتش عارف أطلعها وقتها وكنت طول الوقت يا في الشغل وبروح البيت بليل أنام وأصحى على شغل تاني وبعد كدا شغلي بقي نبطشيات وبقيت 24 ساعة وأريح ثمانية وأربعين ساعة وفي الوقت ده مكنتش بروح في حتة غير في الشغل والبيت وفي فترة قبل نوبطشيات كان ظهرت واحدة اسمها توتة اتصاحبت على مراتي نورهان، وكانت تروح وتيجي على البيت عندنا وبعد كدا اتقطعت علاقتنا بيها توتة دي وظهرت بسمة ورحمة، وكانوا ساكنين في نفس العمارة اللي كنا قاعدين فيها في العجمي وحصلت مشكلة مع أمهم وجوا قعدوا عندنا في البيت ونورهان مراتي الله يرحمها كانت بتقنعني إنهم غلابة وولايا وملهمش مكان يقعدوا فيه وقعدناهم عندنا في البيت.

كانت ذاهبة لحفظ القرآن.. أسرار جديدة في جريمة قتل الطفلة «رودينا»

من الجيزة لبني سويف.. ضبط عاطل قتل شقيقته ببولاق الدكرور

أمين شرطة يقتل أسرته بالإسكندرية
واستطرد المتهم بقتل زوجته وأولاده في الإسكندرية: في يوم مراتي نورهان اقترحت عليا إنها تجوزني رحمة وتساعدها في شغل البيت وتربية العيال وأنا وافقتها على الكلام ده بشرط إن هي تساعدها في تربية العيال وفي شغل البيت وعملنا عقد بالكلام ده وفي خلال 8 أيام رحمه دي اخدت منها 100 جنيه علشان تجيب حاجات من الشارع وطفشت ومرجعتش وفضلت بسمة قاعدة عندنا في البيت وأنا كان الحال ضاق عليا ومكنتش قاعد في البيت براحتي فقولت لمراتي بسمة دي لازم تمشي قالتلي إنت معندكش ولايا وهي هتروح فين خليها قاعدة معانا بس أنا صممت إنا تمشي ومن ساعة ما البنات دي كلها ظهرت في حياتنا ومراتي بتقولي أنا آخري معاك السجن أو الموت وأنا كنت بقولها إنتي ليه بتقولي كده هو فيه حاجة غلط.
وكانت قررت الدائرة رقم 34 بمحكمة جنايات الإسكندرية، برئاسة المستشار محمد السيد محجوب إحالة، ياسر.ع.ح، 40 عامًا، إلى مفتي الجمهورية؛ لبيان الرأي الشرعي في إعدامه، وتحديد جلسة 6 مايو المقبل موعدًا للنطق بالحكم؛ لاتهامه بقتل 7 أفراد وهم: "أبنائه الـ3، وزوجته، وحماه، وحماته، وشقيقُها"، عمدًا مع سبق الإصرار والترصد، والشروع في قتل نجله الرابع.