محمود عبدالمغني: ماكنتش باعرف أقرأ لغاية 6 ابتدائي علشان كنت بازوغ من المدرسة

تحدث الفنان محمود عبدالمغني،عن معاناته خلال فترة طفولته، مُشيرًا إلى أسباب تركه المدرسة بعد وفاة والده في سن صغير.

محمود عبدالمغني: أمي زعلت مني علشان كنت بـ أزوغ من المدرسة 

وبحسب «عبدالمغني»، في تصريحات تلفزيونية، إنه لطالما ترك المدرسة خلال سنوات دراسته الأولى، بغرض مساعدة والدته على إعالة أشقائه، مؤكدًا أن ذلك الأمر أثر عليه بالسلب.

وقال: "أنا كنت بـ أسيب المدرسة علشان أشتغل؛ لأني وأنا صغير كان عندي إحساس بالمسؤولية بعد موت والدي الله يرحمه، وكنت عايز أساعد أمي وعامل فيها مسؤول وأنا كنت في ابتدائي، فكان إحساسي إني أنا عايز أساعد، وأمي ما كانتش عايزة كدا، هي زعلت إن أنا بـ أزوغ عشان أشتغل وماعجبهاش خالص، وكمان دا أثر علي في تعليمي وقعدت مش عارف أقرأ لغاية سنة سادسة ابتدائي؟".

وأضاف الفنان محمود عبدالمغني: "والدتي كانت ست صعيدية من قنا، أتعلمت منها إزاي أتعامل مع ولادي، لأن هي عملت مني الحمد لله شخص الناس بتحبه شخص محترم اللي أمي عملته أنا عملته مع ولادي، حب الأسرة والانتماء لبعضنا والأكل وضحكنا وخروجنا وأسرارنا مع بعض، فأمي كانت مدرسة كبيرة الله يرحمها".

محمود عبدالمغني: تزوجت أنا ومراتي في 20 يوم

وتحدث عن قصة تعرفه على زوجته، قائلًا: "أنا ومراتي اتعرفنا على بعض واتجوزنا في 20 يوم، ومش تهور دا تحور دا كان إحساس جميل حسيته والدنيا مشيت، أنا خطبت 3 سنين وحبيت 7 سنين قبل كدا فخلاص إيه المشكلة إن أنا بقى اتجوز في حوالي 20 يوم ربنا أراد، كان فيه راحة نفسية، حب، فيه حاجة كدا حصلت من عند ربنا".