"ليسوا بشرًا" نهي العمروسي تثير الجدل وتنشر أفكار مثيرة ومغلوطة عن بناة الأهرامات

اثارت الفنانة نهي العمروسي جدلًا واسعًا خلال الساعات القليلة الماضية، بعد إعلانها ان بناه الأهرامات ليسوا بشرًا وتماثيلهم العملاقة تؤكد روايتها.

نهي العمروسي تثير الجدل بأحاديث عن الأهرامات

ثم نشرت الفنانة نهي العمروسي عدة منشورات عبر حسابها الشخصي على فيسبوك وقالت: "بناة الأهرامات مش المصريين القدماء، أنا عارفة إنتوا هتجزوا علي سنانكم مني بس مش مهم، أنا باحثة عن الحقيقة، والحقيقة بتقول أن أجدادنا مش هم إللي بنوا الأهرامات، والأهرامات مش مقابر أصلا، دي حكاية فوق خيالكم، بس إللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دى،  يللا إشتموني بسرعة وطلعوني جاهلة ".
وتابعت قائلة البوست الجاي هقول فيه مين هم بناة الأهرامات الحقيقيين.

واستكملت نهي العمروسي أفكارها ومعتقدات خاطئة مقتبسة من الافكار الماسونية وقالت في منشور جديد لها عبر حسابها الشخصي على فيسبوك "طيب، إبحثوا عن الألواح السومرية وبالذات اللوح ال ١٠ و١١ إللي Enki كاتب فيه تفاصيل عن بناء الأهرامات، الألواح دى كانت مدفونة تحت الطين من آلاف السنين ولقوها في العراق.
أظن دى آثار وعلماء الآثار أثبتوا إنها أثرية مش حديثة، يعني الواد حمؤة إللي واقف على الناصية مش هو إللي كتبها ودفسها في الطين عشان عايز يطلع ترند زى ما بتقولوا علية بالظبط هو بتاع ENKI. 

وقالت في منشور جديد عبر حسابها الشخصي على فيسبوك بناة الأهرامات مش بشر أصلا، مش من الجنس البشرى، وتماثيلهم العملاقة دة طولهم الأصلي مش تضخيم ليهم.

وقالت "العمروسي" في منشور أخر انا مش هجادل حد، أنا بفجر الحقيقة في زمن كاره للحق، لناس خدت على التغييب وبيعشقوا الكدابين وبيصنعوا أبطال من ورق، ناس أدمنت الخديعة وبياخدوا أي معلومة متوارثة كإنها يقين لأن كدة أريح بكتير  من الثقافة والمعرفة والتعب، إشتموني على أد ما تقدروا وإالشوا كمان وكمان وجهلوني واتهموني بإن هدفي الترند لإن  دة بيعكس إللي جواكم ودة وعيكم،  كل إناء ينضح مافيه.

واستكملت قائلة أنا إللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور وتوصل للحقيقة، بدل ما تقعد مفخدة على النت تتريق وتألش عليكى خلق الله، تفرق معايا لو واحد بس فيكم عمل مجهود وقرأ وبحث، أما الباقي إللي ساجنين عقولهم وحاطينه في بوكس وقافلين عليه بترابيس إستمروا وزودوا الترابيس، الحياه إختيارات.

وختمت نهي العمروسي منشوراتها بمنشور مقترن بفيديو وعلقت عليه قائلة: الفراعنة مش بناة الأهرامات، أهو مش أنا لوحدي إللي بقول كدة ومثبوت بالقرآن وبشهادة علماء الآثار.

 
أنا بعترف إني غلطانة إني حاولت أعرض عليكم جزء من الحقيقة في مستنقع السوشيال ميديا إللي بتحشاها، خليكوا في الفضايح وجرايم القتل وشرشحة الناس لبعضها والنميمة لإن هو دة تمامكم  
سلام يا عباقرة ياللي مفيش حاجة ماتخفاش عنكم.