الورقي
أورتيجا يرد على هجوم عمرو مصطفى: احنا مش حرامية وماتجمعش يا أستاذ
رد مؤدي المهرجانات أورتيجا، على اتهامات الملحن عمرو مصطفى، بأن لون المهرجانات الشعبي قائم على السرقة فقط، مؤكدًا أنه رفض رفضًا قطعيًا التعاون مع أي مؤدي مهرجانات.
أورتيجا لـ عمرو مصطفى: جمهورنا يسفلت الأرض
ونشر «أورتيجا» عبر حسابه الشخصي بموقع تبادل الصور والفيديوهات «إنستجرام»، جزء من تصريحات عمرو مصطفى، معلقًا عليها: "لا والله ا، والله يا أستاذ عمرو يا كبير إحنا مش حرامية وما تجمعش، وزي ما أنت في الخليج وأوربا إحنا من عشر سنين في الخليج وأوربا ولينا جمهور يسفلت الكرة الأرضية".
وأضاف: "تيجي أنت في ثانية تطلعنا حرامية، يا أستاذ احنا صناع، وصناع لمطربين كبار في الوسط الفني، حضرتك متجمعش على حد قول على اللي سرقك اتكلم عنه بعد أذن حضرتك".
وتابع أورتيجا: "عمال أقول حضرتك وأنت تقول حرامية وبنتباها بيك إنك مصري وحد عظيم ماتخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله، بيتحاكى بيها في ثانية عيب والله بجد".
أورتيجا: أنا مش بتاع تريند
واستطرد: "أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو اتنين أمشي قانوني زي ما حضرتك بتقول، بس أنت ماتغلطش في كل الناس، لأن في ناس بتصنع محتوه من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط".
واختتم أورتيجا حديثه قائلًا: "أرجوك أنا باحبك وأنت زعلتني من طريقة كلامك عننا، والناس اللي مالهاش ذنب في اللي حضرتك بتقوله أنا حاولت أوصل لحضرتك ماعرفتش فقولت أقولك هنا".
