الورقي
محمود ياسين جونيور عن ظاهرة الملابس الشفافة: جدي كان بيتهاجم لنفس السبب
علق الفنان محمود ياسين جونيور، على ظاهرة ارتداء بعض الفنانين للملابس الشفافة، التي أثارت جدلًا واسعًا مؤخرًا، مُشيرًا إلى أن جده الراحل محمود ياسين كان يتعرض لنفس الهجوم.
محمود ياسين جونيور: الجمهور لما بيحب شخص بيبقى عايزه يبقى شبهه
وقال «ياسين» في تصريحات تلفزيونية: "أنا بـ أشوف أن الجمهور لما بيحب شخص بيبقى عايزه يبقى شبهه، ولما بيشوفه بيعمل حاجة مختلفة بيتضايق، في فنانين -أنا كمان ممكن أحتاج دا- بيبقى عاوز يعمل ستايل لنفسه؛ لأن الشخصية اللي بتطلع بيها دي في حفلة مثلا مش شخصيتك الحقيقية".
وأضاف: "لكن الشخصية بتكون مواكبة للحالة، وساعات مابيفرقش معاهم دا إيجابي ولا سلبي، لكن أنا بيفرق معايا ويهمني الناس متتضايقش ومتفهم الآراء السلبية لحاجة زي دي".
وأشار الفنان الشاب محمود ياسين جونيور، إلى أن مسألة تعرض الفنانين إلى الهجوم ليست مسألة حديثة، ولكنها موجودة منذ زمن الفن القديم، بدليل أن جده الفنان الراحل محمود ياسين تعرض إلى الهجوم للأسباب ذاتها، قائلًا: "جدي في السبعينات كان بيلبس الموضة ساعتها، وكانت الأجيال الأكبر منه مستغربة دا، وبيقولوا إيه السوالف والقمصان والبنطلونات دي، فكل فترة ليها الستايل بتاعها".
محمود ياسين جونيور: يبسطني إني أكون لابس زي عمرو دياب
واختتم محمود ياسين جونيور، حديثه بالتعليق على ظهوره مع الفنان عمرو دياب بقميص شفاف يشبه قميص الهضة، قائلًا: “الموضوع جا صدفة ودي حاجة تبسطني إني لابس زيه، لكن بـ أحترم انتقادات الناس وبـ أتقبلها، ولو حسيت إني لابس أو قولت حاجة ما عجبتش الجمهور، بـ أكون حريص ما أكررهاش تاني”.
