الورقي
مفيدة شيحة تنتقد هجوم بيومي فؤاد على محمد سلام: مش محتاج تكسب بنط على قفاه
وجهت الإعلامية مفيدة شيحة، هجومًا للفنان بيومي فؤاد، بعد حديثه عن الفنان محمد سلام، وانسحابه من مسرحية «زواج اصطناعي»، التي تعرض ضمن فعاليات موسم الرياض.
وقالت، خلال برنامجها «الستات»، على شاشة قناة «النهار»: «نلوم موقف بيومي فؤاد اللي حصل إمبارح، وأنا لا ألومك على إنك تزعل من محمد سلام، لكن ألومك كمواطنة مصرية إنك تطلع على خشبة مسرح دولة أخرى وتلوم ممثل مصري آخر أخذ موقف في بلده بشأن شيء».
وأضافت: «فكرة إننا نتخانق أو نهزأ بعض برا بلدنا ده يقلل منا ولا يعلينا، وإوعى تفتكر إنك بالتصفيق اللي حصلت عليه إمبارح بقيت البطل المغوار، حضرتك بقيمتك وسنك وتعليمك وحب الناس لك كنت ممكن تعمل لايف في بلدك تنتقد فيه محمد سلام، وكانت الناس هتحترمك».
وتابعت «مفيدة»: «اللي حضرتك عملته إمبارح إهانة لنا كلنا في موضوع يخصنا، وإنت مكنتش محتاج تكسب بنط على قفاه».
وعلق الفنان بيومي فؤاد على انسحاب محمد سلام، من المسرحية، قائلًا: «من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدًا شيء عظيم إني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي».
وأكمل: «أنا فنان مصري وليا الشرف جيت المملكة العربية السعودية وليا الشرف كتر خيركم كتر خيركم كتر خيركم، إحنا بنتعب وبنشقى عشان نقدم فن مش عشان نيجي نضحك.. لو الموضوع كده يبقى في فنانين من أيام نجيب الريحاني لغاية محمد أنور المفروض ينتحروا إحنا بنقدم فن».
