اجرت عربيتي واشتغلت في نادي فيديو.. كيف كانت حياة أحمد العوضي قبل الشهرة؟

أوضح الفنان أحمد العوضي أن ولد وعاش في منطقة شعبية لكنه لن يعاني أبدًا في حياته، قائلًا "مبحبش اعيش دور الضحية". 

وأضاف أحمد العوضي خلال لقائه في برنامج "حبر سري" مع الإعلامية أسما إبراهيم، والذي يعرض على قناة القاهرة والناس،"وأنا في ابتدائي كان أول مشهد لي في المدرسة كان من مسلسل الفرسان الذي قام ببطولته الفنان أحمد عبد العزيز وإخراج حسام الدين مصطفى، كان مشهد قتل بيبرس لـ قطز فعلق في دماغي جدًا وكنت بعمله دايما في المدرسة أو الإذاعة أو لعائلتي وكنت بالمرحلة الخامسة الابتدائية ولقيت أني عايز امثل".

وعندما وجهت له الإعلامية أسما إبراهيم سؤال متى شعرت أنك اقتربت من النجومية؟ قال أحمد العوضي: "ممكن بعد مسلسل الميزان اللي هو انا جاي.. وبعد نصيبي وقسمتك ابتدى الموضوع يتأكد لي إلى حد ما وبعد بروسلي ابتدى الموضوع يكبر، والاختيار خلاص بقى اتأكدت".

وعن سبب غيابه 5 سنوات بعد مسلسل الدالي، قال العوضي: "هذه مشكلة يقع فيها العديد من الممثلين أنك عندك هدف عايز توصل له، فبيحصل أن الحياة أو الظروف اللي حواليك ممكن تعطلك في كتير من الناس بترمي ده على البيئة المحيطة فلان مش عايزني وغيره وده بيدمر.. ولو اقنعت نفسي أن طول الوقت بتحارب اذن اقنعت نفسي أني ضعيف، فكان بالنسبالي الـ 5 سنوات أكيد كان ناقصني حاجة ومينفعش ابقى نجم دلوقتي أو سني صغير أو مبعرفش امثل.. فأكيد مكنتش هقعد اعيط".

وأضاف أحمد العوضي: "أنا اتخرجت وبعد كدة مثلت علطول وبعدها اجرت عربيتي وبقيت اصرف من راتبها، وزمان اشتغلت في نادي فيديو وكنت ببيع شرايط فيديو.. ومجوعتش مش عشان من منطقة شعبية اقول أني كنت بنام من غير أكل مفيش الكلام ده، لكن تعبت عشان اوصل للي أنا عايزة في التمثيل.. وما بحبش اعيش دور الضحية أنا ماجوعتش عشان مادعيش حاجة مش حقيقية أنا مولود في منطقة شعبية والدنيا كانت على القد لكن ماتعبتش ولا كنت بنام من غير أكل كنت باكل واشرب عايز ايه أكتر من كده".

أحمد العوضي يخوض السباق الرمضاني بـ مسلسل حق عرب

يشارك النجم أحمد العوضي، في السباق الرمضاني المقبل 2024، من خلال مسلسل "حق عرب"، وهو من تأليف محمود حمدان، ومن إخراج إسماعيل فاروق.