سندس في دعوى خلع بمحكمة الأسرة: «هجرني واتجوز عليا»
![دعوى خلع](images/no.jpg)
«بعد عشرة سنين طويلة رفض يطلقني بالود، هجرني واتجوز عليا وفي النهاية جايبها تعيش معايا عشان يذلني»، بتلك الكلمات وقفت الزوجة "سندس. ج" أمام محكمة الأسرة، تطالب بخلعها من زوجها، بعد انفصاله عنها من عده سنوات ولم تنال حقها في الطلاق الودي، ليتزوج بأخرى في النهاية، ويجلبها لتقيم معها بنفس المنزل وبالرغم من قبولها الوضع إلا أن نهايتها محكمة الأسرة بسبب القسوة التي رأتها في زيجتها.
وأضافت الزوجة في دعواها أمام محكمة الأسرة، بأنها سورية الجنسية ومتزوجة من مصري، منذ 25 عاما، حيث تعرفت على زوجها بمحل عملها والذي جمعهم معا، أنجبت منه 4 أولاد، «الدنيا في الأول كانت كويسة ومفيش مشاكل هو اللي بيشتغل ويصرف على العيال وأنا قاعدة في البيت مع العيال، الدنيا كانت ماشية وبخير لحد ما لقيت جوزي في يوم بيقولي إنه اتجوز وهيجيبها تعيش معانا، اتصدمت وقتها ومعرفتش أعمل ايه، ولادي كانوا لسه صغيرين ومحتاجني، قلت مخربش بيتي».
وتابعت الزوجة في دعواها أمام محكمة الأسرة، بأنها قررت عدم ترك منزلها والموافقة على وجود ضرة لها في المنزل، «من ساعة ما دخلت بيتي، وهي بتعمل مشاكل ومبهدلاني أنا وولادي، وفضلت ورا جوزي لحد ما خلته خدها وساب البيت وسافروا، وقالي مش عايزك تاني خلاص، حاولت أصلح الدنيا عشان ولادي لكن مفيش فايدة، صبرت كام سنة وأنا اللي اديته العيال وسيبتهم معاه، بعد ما اتطمنت عليهم أنهم كبروا ويقدروا يشيلوا مسؤولية نفسهم، مستقبلهم مع أبوهم أحسن لإنه هيقدر يصرف عليهم ».
واتهمت الزوجة في دعواها أمام محكمة الأسرة، الزوجة الثانية بأنها السبب في خراب منزلها، « كانت حياتنا ماشية مراته التانية هي اللي مانعت وجودي، وخلته يطلقني، رمى عليا اليمين شفوي بس مطلقنيش عند مأذون بقالي 10 سنين بحاول ارفع عليه خلع»، لذا قررت الزوجة اللجوء لمحكمة الأسرة لطلب الخلع.