محمد سراج الدين يوجه رسائل نارية في مختلف الاتجاهات

وجه الدكتور محمد سراج الدين عضو مجلس إدارة النادي الأهلي عدة رسائل نارية في مختلف الاتجاهات للرد على بعض من انتقدوه 

وقال سراج عبر صفحته الرسمية على الفيس بوك 

تعقيبًا على البوست السابق على صفحتي الشخصية وبعيدًا عن حبايبي وأخواتي الأهلاوية في الكومنتات واللي يستحقوا الفرحة وإن شاء الله تكمل على خير عشان لسه بدري أخواتي من جمهور المنافس العزيز وكل الإحترام لكم نورتوا انهارده عندي فجأة كلكم كده وراه بعض بنفس الصيغة بنفس الكلام منورين بس بجد عايز أفهم انتوا مضايقين ليه وأنا لم أتطرق لأي شئ يخصكم 😀 

لا بجد سؤال شاغل بالي هل أنت خلاص لابتعادك عن المنافسة أخر كام سنة فقررت تحول وجهتك لنادي أخر يشبع طموحاتك وبقيت بتشجعه بدل ناديك اللي له تاريخ وبطولات وأنت أساسه كجمهور ولكم كل الإحترام ولا فين المعادلة عشان مش وصلة عندي حقيقي

وبغض النظر عن الجزء ده الكومنتات من البعض وتيرة واحدة نفس الصيغة أنت كنت فين وقت لما أتهاجمت أصلك مردتش قبل كده لما أتشتمت بغض النظر برضه اني مش فاهم ايه علاقة ده بالبوست أصلًا وبالماتش وايه علاقتك انت أصلًا بالموضوع بس ماشي برضه همشي معاك بغض النظر عن الضحك والكوميديا في الكلام ده لأني رديت ورديت بقوة وأنت عارف ومصر كلها عارفة كويس اني رديت على صفحتي الشخصية وكل ده موجود ومتوثق بس أنت هتفضل مش عايز تشوف أو شايف ومش عايز تواجه نفسك بالحقيقة فنبدأ نختلق أي بطولات وهمية

أنا الحمد لله ولا بخاف من حد ولا بيهمني حد وده مثبت بالمواقف مش كلام ورديت على أي حد أساء في وقتها اكتر من هجومه هو نفسه أيًا كان مين فبلاش معايا النغمة دي خالص ونصيحة حقيقية دون أي سخرية ركز مع فريقك لأنه يستحق ده منك على الأقل له هوية وقاعدة وتاريخ عشان اللي أنت متعاطف معاه أوي ومتأثر نفسيًا جامد لأجله خد مكانك أنت مش مكاني أنا فالمفروض تكون مشكلتك أنت معاه أكبر من مشكلتي❤️