عريس وعروسة بيتلزقوا على التلاجة.. جميلة عوض تكشف عن أغرب هدايا أحمد حافظ لها قبل الزواج

كشفت الفنانة جميلة عوض عن أغرب الهدايا التى كان زوجها المونتير أحمد حافظ يهديها بها قبل الزواج.

وقالت جميلة عوض خلال لقائها مع الفنانة والإعلامية إسعاد يونس في برنامج "صاحبة السعادة" المذاع عبر قناة DMC: "كان كل مايسافر يجيب لى حاجة مثلا مرة جاب عريس وعروسة بيتلزقوا على التلاجة، أو كريم معين".

وأضافت: "وقت كورونا كان معجب بيا بس معندوش وقت يركز معايا، مثلا يكلمني كل أسبوعين ويسألني عن الشغل أو مهرجان أنا فيه، أو يقترح نعمل خروجة، فأقول له شوف فلان وفلان، وفي دماغي إني مش عايزة أديله إرسال غلط".

وتابعت جميلة عوض: "وقت كورونا ابتدا يكلمني بشكل دائم، وأنا ابتديت أحس بالتعلق، وابتدا يقوللي بحبك وإديني فرصة أكون موجود في حياتك، وعادي لو مش عايزة إديني يومين وهنرجع أصحاب عادي".

واستكملت حديثها خلال لقائها مع صاحبة السعادة: "كان بيعدي وقت وأقول أكيد هيفيص مني ويقول مش قادر على موضوع الصداقة، لكن لقيته موجود وموريني اهتمامه، وفي نفس الوقت رزين في نفسه، ولما عدت سنة من غير ما يشتكي فعلا تعلقت به كصديق".