الورقي
بعد اتهامها له بالتقصير.. ياسر قنطوش يتنحى عن قضايا شيرين عبد الوهاب
أصدر المستشار القانوني ياسر قنطوش، منذ قليل، بيانًا صحفيًا، أعلن فيه تنحيه عن استكمال تولي قضايا الفنانة شيرين عبد الوهاب، في خلافها الأخير مع شركة «روتانا».
وقال: «لم أخسر قضية دافعت فيها عن الفنانة شيرين عبد الوهاب منذ عملي معها قبل سنوات، وما تم ذكره في مداخلتها مع الإعلامي عمرو أديب كانت تقصد به أحد المحامين الذي كان مسؤولًا من قبلي عن قضاياها مع شركة روتانا».
وتابع: «الإعلامي عمرو أديب اقتطع جزءًا كبيرًا من لقائه معه عبر برنامج الحكاية، واكتفى بعرض دقائق قليلة لم توضح موقف الفنانة شيرين عبد الوهاب مع شركة روتانا».
كما أكد أنه يستعد لعقد مؤتمرًا صحفيًا، غدًا الأحد، ليكشف خلاله الكثير من التفاصيل والمفاجآت حول عمله مع شيرين.
جاء تنحي «قنطوش» عن العمل مع شيرين، عقب اتهامها له بالتقصير في الدفاع عنها، قائلة إن محاميها لم يوضح ما حدث من قِبل الشركة بشكل كامل.
وعلقت شيرين: «كل اللي اتكلموا في أزمة روتانا قسمًا بالله العظيم كلامهم غلط حتى المحامي بتاعي، علشان موضحش للناس الموضوع، والموضوع بالبلدي لازم الناس كلها تعرفوا.. أنا الحقيقة مش عارفة المحامي بتاعي بيشتغل إيه بالظبط، إزاي ياخدوا مني 8 مليون جنيه بالغلط».
وأكملت: «روتانا وخداني نجمة الوطن العربي بعد ألبوم لازم أعيش اللي عملت فيه أغنية على بالي، شيرين عبد الوهاب لو متعملهاش دعاية توازي حجمها عربيًا ودوليًا يعتبر العقد لاغي من نفسه، سلمتهم في كورونا أغنية أنا مش قد الهوى، ما اتعملهاش دعاية بـ5 جنيه، وبعدها سلمتهم أغنية كلها غيرانة، نجحت جدًا ومعملوش دعاية بـ6 جنيه، وكنت بسكت علشان بيقولوا شيرين بتاعت مشاكل».
وأردفت حديثها: «واحد كان بيشتغل عندي اسمه كريم كان ماسكلي شغلي فجأة لقيته باع أغنية ليا لـ أنغامي ومشيته من الشغل لأنه إزاي يسلم أغنية لشركة منافسة لـ روتانا، ومفيش ورقة تنص على إني مضيت أو موافقة على الأغنية لـ أنغامي، واتصلت بمدير روتانا في مصر وقلت له ارفع قضية على أنغامي»
وتابعت: «شغلي مش هدية لحد ده رزقي ورزق عيالي، أنا عايزة بلدي تحميني وسكوتي بين لهم إني ضعيفة.. وأنا مش ضعيفة.. أنا قرش وعنده سنان حامية جدًا.. وبتطلع وقت اللزوم».
